ເສັ້ນທາງບໍ່ແມ່ນໂຮງກາຍະສິນທີ່ອະນຸຍາດໃຫ້ຂີ່ລົດສະແດງແບບໂລດໂຜນ ເພື່ອອວດອ້າງຄວາມເກ່ງກ້າສາມາດ ການຂີ່ລົດແບບຊອກຫາເຫດຄືໃນຮູບກາຕູນນີ້ ເຂົາເອີ້ນວ່າ ແກ່ວງຕີນຫາສ້ຽນ ຄືຊອກຫາເຫດຮ້າຍໃສ່ຕົນເອງ ຖ້າຖືກແຕ່ຕົນຄົນດຽວກໍອາດສົມນ້ຳໜ້າ ແຕ່ຖ້າເຮັດໃຫ້ຄົນອື່ນເສຍຫາຍກໍຄົງໜີບໍ່ມົ້ມມືກົດໝາຍ !.
Category: ມາລະຍາດບາດຕາ
ຈອດບໍ່ເບິ່ງປ້າຍ-ໄພຮ້າຍຈະຕາມມາ
ການຈອດລົດຕາມໃຈໄຮ້ຢາງອາຍ ທັນໃສ່ຈອດຫັ້ນແນວນີ້ ແນ່ນອນຕ້ອງເປັນຂີ້ປາກຂອງຜູ້ຮ່ວມໃຊ້ເສັ້ນທາງແຕ່ໜັກໄປກວ່ານັ້ນ ແມ່ນເປັນການລະເມີດກົດຈະລາຈອນ ເຮັດໃຫ້ການສັນຈອນບໍ່ສະດວກ ດັ່ງນັ້ນ ກ່ອນຈະຈອດລົດຕ້ອງແນ່ໃຈວ່າບໍ່ມີປ້າຍຫ້າມຈອດ ບໍ່ເປັນບ່ອນທີ່ພວມມີສະພາບຂັດສົນ ບໍ່ຊັ້ນບັນຫາຈະຕາມມາ ເພາະຕາມເສັ້ນທາງໃນປັດຈຸບັນ ມີຕາກ້ອງຈັບຜິດຄົນເຮັດຜິດຢູ່ຫຼາຍໆຍ່ານເນີ. ໂດຍ: ສາວສິ້ນແຕ້ມ
ລະວັງໄຟ ຈາກບັ້ງໄຟ
ເລື່ອງມ່ວນຫັ້ນມ່ວນໄດ້ ແຕ່ຢ່າໃຫ້ເຖິງມໍລະນາມອດມ້ຽນ ແນວນັ້ນແມ່ນບໍ່ດີ ຂໍໃຫ້ມີສະຕິຕັ້ງລະວັງໄພໄວ້ເນີທ່ານ ຜີມານ ມັນຊິມາບຽດເຈົ້າໃຫ້ສູນສິ້ນຊາດຄົນ ວົນແຕ່ນຳກອນເຊີ້ງ ອັນຕະລາຍພັດບໍ່ເບິ່ງ ບໍ່ເຫິງ ທວນໄຟໃນທໍ່ບັ້ງ ມັນຊິດັງປ້າງໂປ້ງ ເຈົ້າຊິເຂົ້າໂລງດອກນາ. ໂດຍ: ສາວສິ້ນແຕ້ມ
ຕ້ອງຮ່ວມກັນແກ້ໄຂໃຫ້ສອດຄ່ອງ
ການຂີ່ລົດໄວເກີນກຳນົດ ການເລັ່ງສຽງລົດໃຫ້ດັງໜວກຫົວຄົນອື່ນນັ້ນ ຍັງເປັນບັນຫາຊຳເຮື້ອຢູ່ບ້ານເຮົາ ແກ້ປານໃດກໍບໍ່ຕົກ ດັ່ງນັ້ນ ທຸກພາກສ່ວນເຊັ່ນ: ຄອບຄົວ ໂຮງຮຽນ ແລະ ສັງຄົມ ຄວນຮ່ວມໃຈກັນແກ້ໄຂຕາມພາລະບົດບາດຂອງຕົນ ຈະປ່ອຍໃຫ້ແຕ່ເຈົ້າໜ້າທີ່ຮັບຜິດຊອບຄົງເປັນໄປບໍ່ໄດ້ ຜູ້ກະທຳຜິດຊຶ່ງສ່ວນໃຫຍ່ແມ່ນຊາວໜຸ່ມນັ້ນ ໃຊ້ເວລາຢູ່ເຮືອນ ຢູ່ໂຮງຮຽນ ຢູ່ສັງຄົມຫຼາຍກວ່າເວລາອອກສູ່ຖະໜົນ…
ຂັບດີໄດ້ດີ ຂັບອັບປີຄວາມດີສູນສິ້ນ
ເວົ້າແລ້ວເວົ້າອີກ ວ່າການໃຊ້ລົດໃຊ້ຖະໜົນນັ້ນ ນອກຈາກໃສ່ໃຈເລື່ອງກົດຈະລາຈອນແລ້ວ ຍັງຕ້ອງໃສ່ໃຈຄົນອື່ນໆ ໂດຍສະເພາະແມ່ນຄົນຍ່າງ ຫຼື ຂີ່ຍານພາຫະນະທີ່ບໍ່ມີແນວບັງ ຍາມນີ້ແມ່ນລະດູຝົນ ເສັ້ນທາງຫຼາຍຍ່ານເປັນບວກ ຂຸມ ເຕັມໄປດ້ວຍຂີ້ຕົມ ດັ່ງນັ້ນ ຈຶ່ງຄ່ອຍໄປຄ່ອຍມາ ຢ່າດີດນ້ຳໃສ່ຄົນອື່ນ ຊຶ່ງຈະມາໃຫ້ບາດໝາງເປັນສັດຕູງູພິດກັນໄດ້ ຂັບດີຊີວິດສົດໃສ…
ເວລາຮັບແຂກ ຢ່າເຮັດແນວແປກໆເກີນໄປ
ມາລະຍາດຂອງເຈົ້າພາບໃນການຮັບແຂກນັ້ນ ເຄີຍໄດ້ເວົ້າມາຫຼາຍແລ້ວ ໂດຍສະເພາະແມ່ນຂໍ້ຫ້າມຄື ເວລາຮັບແຂກມາຢາມເຮືອນ ເຈົ້າພາບບໍ່ຄວນເອົາເລື່ອງສ່ວນຕົວມາອ້າງແຂກຫຼາຍເກີນໄປ ເຊັ່ນ: ເອົາອາລະບຳຮູບຄອບຄົວ ວີດີໂອບຸນເຮືອນ ຫຼື ການແຕ່ງດອງຂອງຕົນມາໃຫ້ແຂກເບິ່ງ ບໍ່ຄວນເອົາສັດລ້ຽງມາສົນແຂກ ຫຼື ອູ້ມລູກອູ້ມຫຼານມາໃຫ້ແຂກຊົມ ນອກຈາກວ່າແຂກເປັນຄົນໃກ້ຊິດ ເປັນເຊື້ອສາຍລາຍລ່ອງ ແລະ…
ຄົນແຕກປອກ ປ້າຍນອກກົດໝາຍ
ເລື່ອງປ້າຍໆນີ້ ເວົ້າກັນຈົນນ້ຳລາຍແຫ້ງ ແຕ່ແຮງເຫັນຕຳ ຕາບໍ່ຢຸດຢ່ອນຜ່ອນເບົາລົງພໍເມັດ ລະບຽບກົດໝາຍກໍມີ ຜູ້ຮັບຜິດຊອບຕິດຕາມກໍມີ ແຕ່ເຫດໃດຈຶ່ງຍັງມີຜູ້ເຮັດຕາມໃຈໄຮ້ສະຕິຊາດຂາດຢາງອາຍ ? ລອງຊອກໃຫ້ເຫັນຕົ້ນເຫດນຳກັນເບິ່ງວ່າມັນຄາຢູ່ບ່ອນໃດ ? ມັນຈິງແທ້ບໍທີ່ວ່າຍ້ອນການຕິດຕາມກວດກາບໍ່ຕໍ່ເນື່ອງ ຍ້ອນການລົງໂທດທີ່ເຮັດແບບມະລ້ຳມະລ້ວຍ ບໍ່ເດັດຂາດ ກໍເລີຍເກີດມີປາກົດການແຕກປອກນອກກົດໝາຍ ເອົາພາສາຕ່າງປະເທດຂຶ້ນກ່ອນ ພາສາລາວນອນຢູ່ລຸ່ມ…
ກອງປະຊຸມຢ່າເຮັດແນວກຸ້ມໃຈຄົນອື່ນ
ເວລາເຂົ້າຮ່ວມກອງປະຊຸມ ບໍ່ວ່າຈະນັ່ງຢູ່ບ່ອນໃດກໍຕາມ ເຮົາຕ້ອງມີສະຕິ ຕັ້ງໃຈຈົດຈໍ່ຕໍ່ເນື້ອໃນກອງປະຊຸມ ບໍ່ຄວນເຮັດແນວອື່ນທີ່ສວນທາງ ເຊັ່ນ: ຍ້າຍຕັ່ງນັ່ງໄປມາ ຫຼື ຫຍັບໄປຢູ່ໃກ້ໆກັບຜູ້ທີ່ເຮົາລຶ້ງ ຢ່າຖືໂອກາດໂສກັນສຽງດັງ ຫຼື ກົ້ມໜ້າກົ້ມຕາໃສ່ຈໍມືຖື ແລະ ສຳຄັນທີ່ສຸດ ຄືຢ່າລັກຫຼອຍອອກຫ້ອງປະຊຸມກ່ອນເວລາປິດເດັດຂາດ. ໂດຍ:…
ຢ່າໄລ່ແຂກລົງເຮືອນ ດ້ວຍມາລະຍາດຕ່ຳໆ
ເວລາເຮົາເປັນເຈົ້າພາບຮັບແຂກຮັບຄົນນັ້ນ ຂໍໃຫ້ມີສະຕິລະວັງຕົວ ຢ່າສະແດງອາການ ຫຼືຄວາມຮູ້ສຶກທີ່ບອກວ່າຕົນເບື່ອແຂກ ຕ້ອງການໃຫ້ແຂກໜີ ຫຼືເມືອໄວໆ ເຊັ່ນ ການສະແດງດ້ວຍການຫາວ ການເອົາມືສີຕາ ການລຸກໆນັ່ງໆ ຫຼືການຍົກໂມງຂຶ້ນມາເບິ່ງເລື້ອຍໆ ຖ້າສະແດງແນວນີ້ອອກມາ ແຂກກໍຈະຮູ້ສຶກບໍ່ສະບາຍໃຈ ເພາະຮູ້ວ່າເຈົ້າພາບບໍ່ເຕັມໃຈຕ້ອນຮັບຕົນ ນີ້ຄືມາລະຍາດທີ່ເຈົ້າພາບຄວນເອົາໃຈໃສ່ເປັນພິເສດ.