ມາລະຍາດຂອງເຈົ້າພາບໃນການຮັບແຂກນັ້ນ ເຄີຍໄດ້ເວົ້າມາຫຼາຍແລ້ວ ໂດຍສະເພາະແມ່ນຂໍ້ຫ້າມຄື ເວລາຮັບແຂກມາຢາມເຮືອນ ເຈົ້າພາບບໍ່ຄວນເອົາເລື່ອງສ່ວນຕົວມາອ້າງແຂກຫຼາຍເກີນໄປ ເຊັ່ນ: ເອົາອາລະບຳຮູບຄອບຄົວ ວີດີໂອບຸນເຮືອນ ຫຼື ການແຕ່ງດອງຂອງຕົນມາໃຫ້ແຂກເບິ່ງ ບໍ່ຄວນເອົາສັດລ້ຽງມາສົນແຂກ ຫຼື ອູ້ມລູກອູ້ມຫຼານມາໃຫ້ແຂກຊົມ ນອກຈາກວ່າແຂກເປັນຄົນໃກ້ຊິດ ເປັນເຊື້ອສາຍລາຍລ່ອງ ແລະ ສົນໃຈເລື່ອງໃນຄອບຄົວຂອງເຈົ້າພາບແທ້ໆ ແລະ ສິ່ງໜຶ່ງທີ່ຄວນລະວັງເປັນພິເສດ ຄືຢ່າຫາວນອນຕໍ່ໜ້າແຂກ ຫຼື ຍົກໂມງຂຶ້ນເບິ່ງເວລາ ເພາະມັນສ່ຳກັບໄລ່ແຂກລົງເຮືອນ.
ໂດຍ: ສາວສິ້ນແຕ້ມ