ການຂີ່ລົດໄວເກີນກຳນົດ ການເລັ່ງສຽງລົດໃຫ້ດັງໜວກຫົວຄົນອື່ນນັ້ນ ຍັງເປັນບັນຫາຊຳເຮື້ອຢູ່ບ້ານເຮົາ ແກ້ປານໃດກໍບໍ່ຕົກ ດັ່ງນັ້ນ ທຸກພາກສ່ວນເຊັ່ນ: ຄອບຄົວ ໂຮງຮຽນ ແລະ ສັງຄົມ ຄວນຮ່ວມໃຈກັນແກ້ໄຂຕາມພາລະບົດບາດຂອງຕົນ ຈະປ່ອຍໃຫ້ແຕ່ເຈົ້າໜ້າທີ່ຮັບຜິດຊອບຄົງເປັນໄປບໍ່ໄດ້ ຜູ້ກະທຳຜິດຊຶ່ງສ່ວນໃຫຍ່ແມ່ນຊາວໜຸ່ມນັ້ນ ໃຊ້ເວລາຢູ່ເຮືອນ ຢູ່ໂຮງຮຽນ ຢູ່ສັງຄົມຫຼາຍກວ່າເວລາອອກສູ່ຖະໜົນ ດັ່ງນັ້ນ 3 ພາກສ່ວນທີ່ກ່າວມານັ້ນ ຈຶ່ງຄວນຮັບຮູ້ຄວາມຮັບຜິດຊອບຫຼາຍກວ່າ.
ໂດຍ: ສາວສິ້ນແຕ້ມ