ທ່ານ ພູທອງ ພົນວິໄຊ ຜູ້ກໍ່ຕັ້ງບໍລິສັດສະມາດ ເຕັກໂນໂລຊີ ຈຳກັດ ໃຫ້ສຳພາດບໍ່ດົນມານີ້ວ່າ: ໃນເບື້ອງຕົ້ນ ໄດ້ສ້າງເປັນຮ້ານຄອມພິວເຕີທົ່ວໄປ ແລະ ຊື້ລະບົບໂປຣແກຣມເພື່ອນຳໃຊ້ໃນການບໍລິຫານບັນຊີພາຍໃນຮ້ານໃນປີ 2012 ຫຼັງຈາກນັ້ນ ກໍມີການສຶກສາຫຼາຍໂປຣແກຣມເພື່ອເລືອກເອົາໂປຣແກຣມທີ່ໃຊ້ງານງ່າຍ ໂດຍມີຫຼາຍບໍລິສັດໃຫ້ຄວາມສົນໃຈເພື່ອນຳໃຊ້ເຂົ້າໃນວຽກງານ ຫຼັງຈາກຄວາມຮຽກຮ້ອງຕ້ອງການຂອງວຽກງານໄອທີນັບຫຼາຍຂຶ້ນ ສະນັ້ນ ເພື່ອຕອບສະໜອງກັບຄວາມຕ້ອງການຂອງລູກຄ້າ ແລະ ເຮັດໃຫ້ຂະແໜງການຕ່າງໆສາມາດເຂົ້າເຖິງວຽກງານໄອທີໄດ້ສະດວກສະບາຍ ຈຶ່ງໄດ້ສ້າງຕັ້ງເປັນບໍລິສັດຂຶ້ນ
ປັດຈຸບັນ ມີລູກຄ້າໃນຂອບເຂດທົ່ວປະເທດປະມານ 2.000 ກວ່າຫົວໜ່ວຍ ສິນຄ້າ ແລະ ການບໍລິການຂອງບໍລິສັດສະມາດ ເຕັກໂນໂລຊີ ຈຳກັດ ປະກອບມີ ລະບົບບໍລິຫານບັນຊີ ເຊັ່ນ: ການບໍລິຫານການຈັດຊື້ ສາງສິນຄ້າ ການຂາຍ ລະບົບບໍລິຫານບຸກຄະລາກອນ ການບໍລິຫານເວລາເຂົ້າ-ອອກວຽກ ກະເຮັດວຽກ ການຄິດໄລ່ເງິນເດືອນ ແລະ ສະຫວັດດີການ ລະບົບບໍລິຫານໄວຟາຍ ລະບົບຄວບຄຸມອຸປະກອນກະຈາຍສັນຍານໄວຟາຍແບບອອນລາຍ ກຳນົດສິດການນຳໃຊ້ອີນເຕີເນັດ ລະບົບການສື່ສານໃນຍຸກດີຈີຕອນ ແລະ ອື່ນໆ.
ນອກຈາກນີ້ ຍັງມີໂປຣແກຣມ ແລະ ອຸປະກອຍ POS ສຳລັບທຸລະກິດທຸກຂະໜາດເຊັ່ນ: ໂປຣແກຣມທຸລະກິດທົ່ວໄປ ຮ້ານອາຫານ ຮ້ານວັດສະດຸກໍ່ສ້າງ ແລະ ຮ້ານຄ້າປະເພດຕ່າງໆ ເຄື່ອງພິມບິນນ້ອຍ ພິມບາໂຄດ ເຄື່ອງສະແກນ ເຈ້ຍພິມສະຕິກເກີ ເຈ້ຍກາກບອນພິມຕໍ່ເນື່ອງ ແຜ່ນນ້ຳເມິກ ແລະ ອື່ນໆ ສະນັ້ນ ທ່ານໃດສົນໃຈສິນຄ້າປະເພດໃດ ສາມາດຕິດຕໍ່ໄດ້ທີ່ເບີ 020 58889688 ຫຼື 2020 58883509 ບໍລິສັດດັ່ງກ່າວ ຕັ້ງຢູ່ບ້ານດົງຄຳຊ້າງ ເມືອງຫາດຊາຍຟອງ ນະຄອນຫຼວງວຽງຈັນ.
# ຂ່າວ & ພາບ: ອົ່ນ ໄຟສົນທອງ