ເວລາຮັບປະທານຢູ່ຮ້ານອາຫານ ຫຼື ໃນງານລ້ຽງງານເຊີນ ເຊິ່ງຕ້ອງໄດ້ຮັກສາມາລະຍາດນັ້ນ ມັນມີພິທີການທີ່ຕ້ອງເຮັດ ແລະ ຫ້າມເຮັດ ໜຶ່ງໃນສິ່ງຫ້າມເຮັດເດັດຂາດ ກໍຄື ເມື່ອເວລາບັງເອີນເຮົາເຮັດບ່ວງ ສ້ອມ ໄມ້ຖູ່ ຫຼື ແພເຊັດມືຕົກລົງພື້ນ… ເດັດຂາດຢ່າກົ້ມລົງເພື່ອຈັບເອົາເອງ ໃນງານລ້ຽງສ່ວນຫຼາຍຈະມີຄົນເສີບຄອຍຕິດຕາມ ດັ່ງນັ້ນ ຜູ້ເສີບກໍຈະເຮັດໜ້າທີ່ເອົາມາປ່ຽນໃຫ້ໃໝ່ ຖ້າຄົນເສີບບໍ່ເຫັນ ເຮົາກໍຕ້ອງໄດ້ບອກໃຫ້ເຂົາເອົາສ້ອມ ບ່ວງ ຫຼື ສິ່ງທີ່ເຮົາເຮັດຕົກມາປ່ຽນໃຫ້ໃໝ່.