ນ້ຳເຜິ້ງເປັນອາຫານທີ່ມີປະໂຫຍດຫຼາຍທີ່ສຸດຈາກທຳມະຊາດ ພຽງແຕ່ກິນໃນຕອນເຊົ້າໜຶ່ງບ່ວງກາເຟ ສາມາດກະຕຸ້ນລະບົບຕ່າງໆຂອງຮ່າງກາຍ ໃຫ້ມີເຫື່ອແຮງໃນການສູ້ຊີວິດໃນແຕ່ລະມື້ ນ້ຳເຜິ້ງຄືສານອາຫານທີ່ດີທີ່ສຸດກວ່າອາຫານເສີມອື່ນໆອີກ ນ້ຳເຜິ້ງຄືອາຫານທຳມະຊາດທີ່ມີຄຸນຄ່າທີ່ສຸດ ແລະ ເຮົາມີວິທີທົດສອບວ່າ ເປັນນ້ຳເຜິ້ງແທ້ ຫຼື ນ້ຳປອມ ດ້ວຍຕົວທ່ານເອງດັ່ງນີ້:
1. ນ້ຳເຜິ້ງຈະຈັບໂຕເປັນຕະກອນ ເມື່ອເຮົາປະໄວ້ດົນ ຖ້ານ້ຳເຜິ້ງປອມຈະຢູ່ໃນໃນສະພາບແຫຼວຄືກັບນ້ຳເຊື່ອມ ແລະ ຖອກອອກງ່າຍ.
2. ລອງຢອດນ້ຳເຜິ້ງລົງໃນຖ້ວຍທີ່ໃສ່ນ້ຳເບິ່ງ ຫາກມັນລະລາຍທັນທີ ສະແດງວ່າເປັນນ້ຳເຜິ້ງປອມ ນ້ຳເຜິ້ງແທ້ຈະບໍ່ລະລາຍທັນທີ ຈະຂົດຈັບໂຕກັນຢູ່.
3. ລອງຢອດນ້ຳເຜິ້ງລົງນິ້ວມືເບິ່ງ ຖ້າຫາກມັນຂົດຈັບໂຕກັນຢູ່ ສະແດງວ່າເປັນນ້ຳເຜິ້ງແທ້ ນ້ຳເຜິ້ງປອມຈະກະຈາຍກັນອອກໄປທົ່ວນິ້ວ.
4. ລອງຊີມເບິ່ງ ຖ້າມີລົດຊາດປະສົມຫຼາຍ ຄືກັບວ່າມີກິ່ນຂອງດອກໄມ້ ຫຼື ຢາພື້ນເມືອງ ຄືນ້ຳເຜິ້ງແທ້ ນ້ຳເຜິ້ງປອມຈະມີແຕ່ລົດຊາດຫວານເທົ່ານັ້ນ.
5. ລອງເອົາໄມ້ຂີດໄຟແຕະນ້ຳເຜິ້ງໃຫ້ຕິດປາຍໄມ້ຂີດໄຟເລັກໜ້ອຍ ກ່ອນທີ່ຈະຈູດໄມ້ຂີດໄຟ ຖ້າຫາກເປັນນ້ຳເຜິ້ງແທ້ ໄມ້ຂີດຈະຕິດໄຟ ແລະ ຈະເຜົານ້ຳເຜິ້ງໄປນຳ ຖ້າຫາກເປັນນ້ຳເຜິ້ງປອມຈະຈູດໄຟບໍ່ຕິດໄຟ ເພາະມັນມີຄວາມປຽກຈາກສານເຄມີທີ່ເຂົາປະສົມລົງໄປ.
ວ. ດາລາວົງ ນຳສະເໜີ