ພິທີເປີດນຳໃຊ້-ເຜີຍແຜ່ລະບົບຄຸ້ມຄອງຜູ້ເສຍອາກອນ ແທກຣິສ (TaxRIS) ຈັດຂຶ້ນໃນວັນທີ 10 ກັນຍາ 2020 ທີ່ສະໂມສອນເມືອງສັງທອງ ນະຄອນຫຼວງວຽງຈັນ ພາຍໃຕ້ເປັນປະທານຂອງທ່ານ ພົງສະຫວັນ ສິລິພັນ ເຈົ້າເມືອງສັງທອງ ທ່ານ ຄຳພັນ ພັນທະບັດ ຫົວໜ້າສ່ວຍສາອາກອນນະຄອນຫຼວງວຽງຈັນ ມີຜູ້ຕາງໜ້າຈາກຄັງເງິນແຫ່ງຊາດ ຫົວໜ້າຫ້ອງການອ້ອມຂ້າງເມືອງ ພ້ອມດ້ວຍບັນດາພາກສ່ວນທຸລະກິດທົ່ວເມືອງເຂົ້າຮ່ວມ.
ຜູ້ເຂົ້າຮ່ວມໃນຄັ້ງນີ້ ໄດ້ຮຽນຮູ້ກົນໄກການຈັດເກັບອາກອນ ການແຈ້ງມອບອາກອນຕາມຫົວໜ່ວຍກຳນົດ ລະບົບແທກຣິສ (TaxRIS) ການແຈ້ງມອບອາກອນດ້ວຍຕົນເອງ ປະຫວັດຄວາເປັນມາຂອງໂຄງການສ້າງລະບົບຂໍ້ມູນຂ່າວສານຄຸ້ມຄອງລາຍຮັບສ່ວຍສາອາກອນ (TaxRIS) ລະບົບຂໍ້ມູນຂ່າວສານຄຸ້ມຄອງລາຍຮັບສ່ວຍສາອາກອນ (TaxRIS) ສື່ຂ່າວການເຊື່ອມຕໍ່ລະບົບ (TaxRIs) ການຂະຫຍາຍການນຳໃຊ້ລະບົບຂໍ້ມູນຂ່າວສານຄຸ້ມຄອງລາຍຮັບສ່ວຍສາອາກອນ (TaxRIS) ວິທີການແຈ້ງ online ແລະ ການຊຳລະອາກອນແບບທັນສະໄໝ ແລະ ກົນໄກການຈັດເກັບອາກອນ ນອກຈາກນັ້ນ ຍັງໄດ້ຮຽນຮູ້ການຄຸ້ມຄອງການແຈ້ງ-ມອບພັນທະຕ່າງໆແບບທັນສະໄໝ ທັງນີ້ກໍເພື່ອແນໃສ່ປັບປຸງກົນໄກການເກັບລາຍຮັບໃຫ້ມີປະສິດທິພາບ ມີຄວາມໂປ່ງໃສ ທັນເວລາ ສອດຄ່ອງກັບລະລຽບກົດໝາຍທີ່ໄດ້ກຳນົດໄວ້ ສ້າງຄວາມສະດວກໃຫ້ແກ່ຜູ້ປະຕິບັດພັນທະສ່ວຍສາອາກອນ.
