ທ່ານເຄີຍໄດ້ເຂົ້າໄປນັ່ງໃນລົດໃຫຍ່ທັງຂອງຕົວເອງ ຫຼື ຂອງຄົນອ້ອມຂ້າງແລ້ວເກີດຄວາມຮູ້ສຶກອຶດອັດບໍ່ ? ຊຶ່ງແນ່ນອນວ່າ ອາກາດໃນບ້ານເຮົາກໍມີທັງອັບ ແລະ ຊຸ່ມນີ້ລະທີ່ເຮັດໃຫ້ເຊື້ອລາ ແລະ ແບກທີເຣຍມີການຈະເລີນເຕີບໂຕໄດ້ງ່າຍດາຍ ແລະ ສະເພາະຢ່າງຍິ່ງ ຊ່ອງແອທີ່ບໍ່ໄດ້ຮັບຄວາມສະອາດນີ້ ແລະ ທີ່ເປັນຕົ້ນເຫດບໍ່ເກີດແຫ່ງການເຕີບໂຕຂອງເຊື້ອລາທີ່ທາງການແພດເອີ້ນວ່າ “Sick Car Syndrome” ນັ້ນເອງ.
ໂດຍອາການປ່ວຍຈາກເຊື້ອລາ ແບກທີເຣຍ ແລະ ຝຸ່ນຕ່າງໆໃນລົດໃຫຍ່ ຈະກໍ່ໃຫ້ເກີດອາການຕ່າງໆ ໄດ້ແກ່ ໄອ ຈາມ ຫາຍໃຈຢ່າງລຳບາກ ມີອາການເຄືອງຕາ ແລະ ດັງ ຈົນນ້ຳມູກ ນ້ຳຕາໄຫຼ ເກີດການງ່ວງຊຶມ ແໜ້ນໜ້າເອິກ ລະບົບທາງເດີນຜິດປົກກະຕິ ແລະ ພູມແພ້ ຊຶ່ງຖາມວ່າກຳຈັດດ້ວຍສະເປ ຫຼືນ້ຳຢາດັບກິ່ນ ສາມາດຊ່ວຍດັບກິ່ນໄດ້ຫຼືບໍ່ ຫາກມີສູດກຳຈັດແບກທີເຣຍ ກໍອາດຈະຊ່ວຍໃນລະດັບໜຶ່ງ ແຕ່ຖ້າກິ່ນຂອງນ້ຳຢາໝົດ ແບກທີເຣຍ ແລະ ເຊື້ອລາກໍກັບມາໃໝ່ໄດ້ຢູ່ດີ.
ສຳລັບວິທີທີ່ກຳຈັດຝຸ່ນ ແລະ ເຊື້ອລາໃນລົດໃຫຍ່ນັ້ນ ມີດັ່ງນີ້
1. ຫາສາເຫດຂອງກິ່ນອັບວ່າ ຖ້າເປິດປະຕູແລ້ວມີກິ່ນອັບເລີຍ ກິ່ນທີ່ວ່າອາດຈະມາຈາກບ່ອນນັ່ງ ຫຼື ຖ້າມີກິ່ນຕອນເປິດແອ ກິ່ນກໍມາຈາກແອ ຊຶ່ງເມື່ອພົບແລ້ວໃຫ້ເຮັດຄວາມສະອາດທັນທີ.
2. ພະຍາຍາມດູດຝຸ່ນເບາະນັ່ງເປັນປະຈຳ ໂດຍສະເພາະ ເບາະຜ້າ ຢ່າລືມດູດຝຸ່ນພົມທີ່ຕີນດ້ວຍ.
3. ຫາກມີນ້ຳ ຫຼືເຄື່ອງດື່ມທີ່ເຄີຍຂວ້ຳໃສ່ເບາະ ຫຼື ທີ່ວາງຕີນ ຮີບເຮັດຄວາມສະອາດ ແລະ ຈັດການໃຫ້ແຫ້ງ.
4. ຢ່າສີດສະເປ ນ້ຳຫອມ ຫຼື ສານເຄມີຕ່າງໆຫຼາຍຈົນເກີນໄປ ເພາະມັນອາດຈະເຮັດໃຫ້ຜົນຮ້າຍກວ່າເດີມ.
5. ຫາກຍັງມີເຊື້ອລາ ຫຼື ກິ່ນອັບ ຄວນປຶກສາຜູ້ຊ່ຽວຊານ.
ວ.ດາລາວົງ ນຳສະເໜີ