ນອກເໜືອໄປຈາກກ້າມຊີ້ນພາຍນອກຂອງຮ່າງກາຍ ທີ່ຕ້ອງການໄດ້ຮັບການຟື້ນຟູ ແລະ ເສີມສະມັດຖະພາບຄວາມແຂງແກ່ນແຂງແຮງແລ້ວ ອະໄວຍະວະພາຍໃນເອງກໍບໍ່ແຕກຕ່າງກັນ ໂດຍສະເພາະ “ປອດ” ອະໄວຍະວະສຳຄັນຍິ່ງຢ່າງໜຶ່ງທີ່ຮ່າງກາຍຂາດບໍ່ໄດ້ ຊຶ່ງປຽບດັ່ງເໝືອນລົມຫາຍໃຈຂອງຊີວິດ ທີ່ຈະນຳພາອົກຊິແຊນໄປຫຼໍ່ລ້ຽງຮ່າງກາຍນັ້ນເອງ.
ໂດຍການອອກກຳລັງກາຍປອດນັ້ນ ສົ່ງຜົນໃຫ້ອົກຊິແຊນໄຫຼວຽນໄປຫຼໍ່ລ້ຽງສ່ວນຕ່າງໆຂອງຮ່າງກາຍໄດ້ດີຂຶ້ນ ທັງຫົວໃຈ ສະໝອງ ແລະ ກ້າມຊີ້ນ ຊ່ວຍຂະຫຍາຍຫຼອດເລືອດໃຫ້ສູບສີດ ເຮັດໃຫ້ລະບົບປະສາດກັບມາສົມດຸນ ຫຼຸດຄວາມເຄັ່ງຄຽດອັນເປັນບໍ່ເກີດຂອງໂຣກຮ້າຍທັງໝົດທັງມວນ.
ວິທີການເຝິກຄວບຄຸມການຫາຍໃຈບໍລິຫານປອດໃຫ້ແຂງແຮງ
1. ຫາຍໃຈເຂົ້າເລິກໆ ຈົນຮູ້ສຶກໂດຍໃຊ້ກະບັງລົມຊຶ່ງເປັນກ້າມຊີ້ນຜືນໃຫຍ່ໃຕ້ປອດ ເພື່ອໃຫ້ລົມໄດ້ເຂົ້າປອດຫຼາຍທີ່ສຸດ ພ້ອມກັບນັບໜຶ່ງເຖິງຫ້າ ຈາກນັ້ນກັ້ນລົມຫາຍໃຈຄ້າງເອົາໄວ້ໃນຈຳນວນນັບທີ່ຫົກ.
2. ຄ່ອຍໆຜ່ອນລົມຫາຍໃຈອອກມາທາງຊ່ອງປາກຜ່ານທາງແຂ້ວ ໃນຂະນະທີ່ຮີມສົບເຜີຍອອກພຽງເລັກນ້ອຍ ຊ້າກວ່າການຫາຍໃຈເຂົ້າ ເຮັດຊ້ຳໆໄດ້ຈົນກວ່າຈະຮູ້ສຶກຜ່ອນຄາຍ ຫຼືເຮັດໃນໄລຍະຕື່ນນອນໃໝ່ໆຂອງໄລຍະເຊົ້າທີ່ອາກາດແຈ່ມໃສ ຈະຍິ່ງຊ່ວຍໃຫ້ສຸຂະພາບຈິດໃຈ ແລະ ຮ່າງກາຍສົດໃສໄປຕະຫຼອດວັນ.
ວ ດາລາວົງ ນຳສະເໜີ