ເມື່ອເບິ່ງກາຕູນປະກອບບົດນີ້ແລ້ວ ບາງຄົນອາດວ່າ “ເວີ້!” ເກີນໄປ ແຕ່ໃນຕົວຈິງແລ້ວມັນມີຄວາມຈິງ ບໍ່ເຊື່ອກໍໄປໃຊ້ລົດປະຈຳທາງດ້ວຍຕົນເອງລອງເບິ່ງ ໂດຍສະເພາະແມ່ນໃນເຂດຊົນນະບົດ ບ່ອນທີ່ຍັງຂາດລະບົບລະບຽບ ບ່ອນທີ່ທ່ານອາດຈະໄດ້ເຫັນຄົນເຈ່ຍລູກຜູກໝາ ຫາບເຄື່ອງຂອງອິລຸງຕຸງນັງຂຶ້ນລົດ ແນ່ນອນບັນຫາສັບສົນນີ້ຄົງຈະແກ້ໄຂຕົກໄປ ເມື່ອບ້ານເຮົາຮັ່ງຂຶ້ນກວ່ານີ້ ໃນປັດຈຸບັນ ຂໍໃຫ້ທຸກຄົນທີ່ໃຊ້ລົດລວມໝູ່ປະຕິບັດຕົນໃຫ້ເໝາະສົມ ລວມທັງການນຸ່ງຖື ການນັ່ງ ການແຂວນຄານລົດ ຕ້ອງລະວັງກິ່ນໂຕ ໂດຍສະເພາະແມ່ນບໍລິເວນຂີ້ແຮ້ ບໍ່ໃຫ້ມີກິ່ນອັນຕະລາຍຕ້ອງດັງຄົນອື່ນ ເພາະອາດມີຜູ້ເປັນລົມຍ້ອນ.