ຫວ່າງບໍ່ດົນມານີ້ ຢູ່ແຂວງບໍ່ແກ້ວໄດ້ມີບັ້ນປົດປ້າຍບໍລິສັດ ຫ້າງຮ້ານ ທີ່ລະເມີດກົດລະບຽບວ່າດ້ວຍປ້າຍ ເຊັ່ນ: ຂຽນພາສາຕ່າງປະເທດໄວ້ເບື້ອງເທິງ ຫຼື ອອກໜ້າກ່ອນ ຂຽນພາສາລາວໄວ້ກ້ອງ ຫຼື ຂຽນໂຕນ້ອຍໆກວ່າ ນອກນັ້ນ ກໍຍັງມີກໍລະນີຂຽນພາສາລາວຜິດຫຼັກໄວຍາກອນ ຜິດຄວາມໝາຍ ເລື່ອງນີ້ຂໍຕົບມືຊົມເຊີຍ ອົງການປົກຄອງແຂວງບໍ່ແກ້ວ ແລະ ເຈົ້າໜ້າທີ່ສະເພາະກິດ ຫວັງວ່າບົດຮຽນຂອງແຂວງບໍ່ແກ້ວ ຈະແຜ້ວທາງໄປສູ່ການແກ້ໄຂບັນຫາເນື້ອໃນ ປ້າຍທີ່ລະເມີດລະບຽບກົດໝາຍ ແລະ ຢຽບຢ່ຳກຽດສັກສີຂອງພາສາລາວພວກເຮົາ.