ການເປີດແອປັບອາກາດ ຈະເຮັດໃຫ້ເຮົາຮູ້ສຶກເຢັນສະບາຍ ບໍ່ຮ້ອນ ແຕ່ທ່ານຮູ້ບໍວ່າ ນອກຈາກຈະເຮັດໃຫ້ເປືອງໄຟແລ້ວ ການເປີດແອປັບອາກາດໝົດມື້ໝົດຄືນ ຈະມີຜົນເສຍຕໍ່ສຸຂະພາບ ແລະ ການເປີດແອປັບອາກາດກໍມີຜົນເສຍດັ່ງນີ້:
1. ການໃຊ້ແອປັບອາກາດຕະຫຼອດເວລາ ຈະເຮັດໃຫ້ອາກາດໃນຫ້ອງຖ່າຍເທບໍ່ສະດວກ ຖ້າຫາກມີການປິດຜ້າກັ້ງກັນແສງເຂົ້າຫ້ອງອີກ ອາດກາຍເປັນແຫຼ່ງຂອງເຊື້ອລາ ຫຼື ຝຸ່ນ ຕາມຜ້າເຊັດຕີນ ຜ້າຂົນໜູ ບ່ອນນອນ ຜ້າຫົ່ມ ຫາກບໍ່ສະອາດພຽງພໍ.
2. ຫາກປັບອາກາດໃຫ້ເຢັນທັນທີ ແລະ ແອເຢັນຢ່າງໄວ ຈະເຮັດໃຫ້ຫຼອດເລືອດໃນຮ່າງກາຍອາດປັບໂຕໄວເກີນໄປ ຈົນເຮັດໃຫ້ເກີດອາການເຈັບຫົວ.
3. ອາກາດເຢັນຈາກແອ ເຮັດໃຫ້ຜິວແຫ້ງ ດັງແຫ້ງ ຕາແຫ້ງ ຫາກໃຜຜິວແຫ້ງຫຼາຍ ອາດເກີດອາການຄັນຕາມຜິວໜັງໄດ້.
4. ຫາກບໍ່ທຳຄວາມສະອາດແອປັບອາກາດໃຫ້ດີ ອາດເປັນສາເຫດຂອງພະຍາດທາງເດີນຫາຍໃຈຕ່າງໆ ເຮັດໃຫ້ພູມຕ້ານທານຕ່ຳລົງ ຈົນເຮັດໃຫ້ເປັນຫວັດ ເຈັບຄໍໄດ້ ເພາະບໍລິເວນເຊວໃນດັງ ຄໍ ຫຼອດລົມແຫ້ງເກີນໄປ ບໍ່ມີເມືອກທີ່ຄອຍຖ້າດັກຈັບຝຸ່ນ ຫຼືເຊື້ອພະຍາດ ຈຶ່ງເຮັດໃຫ້ເຊື້ອພະຍາດເຂົ້າສູ່ຮ່າງກາຍໄດ້ງ່າຍຂຶ້ນ.
ວ. ດາລາວົງ – ນຳສະເໜີ