ທີມພັດທະນາອຸດສາຫະກຳຂອງ Boeing ໃນອົດສະຕຣາລີ ໄດ້ນຳສະເໜີໂດຣນຕໍ່ສູ້ທີ່ເປັນເຮືອບິນໄອພົ່ນໄຮ້ຄົນຂັບ Loyal Wingman ລຳທຳອິດໃຫ້ກັບກອງທັບອາກາດອົດສະຕຣາລີ ຊຶ່ງເປັນໜຶ່ງໃນສາມຂອງຕົ້ນແບບທີ່ໄດ້ຮັບການພັດທະນາ ເປັນສ່ວນໜຶ່ງຂອງໂປຣແກຣມການພັດທະນາຂັ້ນສູງຂອງ Loyal Wingman ຫຼື ທີ່ຮູ້ຈັກກັນໃນຊື່ Boeing Airpower Teaming System (ATS) ທີ່ພັດທະນາຂຶ້ນເພື່ອຕະຫຼາດການປ້ອງກັນປະເທດໃນທົ່ວໂລກ ໂດຍໄດ້ຮ່ວມມືກັບກອງທັບອາກາດອົດສະຕຣາລີ (RAAF) ແລະ ເງິນລົງທຶນໃນການພັດທະນາຈາກລັດຖະບານອົດສະຕຣາລີ 25,71 ລ້ານໂດລາສະຫະລັດ.
ໂດຣນ Loyal Wingman ໃຊ້ປັນຍາປະດິດ (AI) ໃນການຂະຫຍາຍຂີດຄວາມສາມາດຂອງຖານທີ່ໃຊ້ຄົນຄວບຄຸມ ແລະ ໄຮ້ຄົນຄວບຄຸມ ຊຶ່ງເປັນໂດຣນລຳທຳອິດທີ່ໄດ້ອອກແບບ ແລະ ຜະລິດໃນອົດສະຕຣາລີມາເປັນເວລາກວ່າ 50 ປີ ແລະ ເປັນການລົງທຶນໃນໂດຣນທີ່ຫຼາຍທີ່ສຸດນອກສະຫະລັດອາເມຣິກາຂອງ Boeing.
ໂດຣນ Loyal Wingman ຈັດວ່າເປັນນະວັດຕະກຳ ແລະ ຫົວໃຈສຳຄັນ ໃນການປ້ອງກັນປະເທດອົດສະຕຣາລີໃນອະນາຄົດ ຊຶ່ງຈະຕິດຕັ້ງອາວຸດເພື່ອໃຊ້ໃນການຕໍ່ສູ້ ແລະ ການປົກປ້ອງຊັບສິນ ຢ່າງເຊັ່ນ E-7A Wedgetail ເຮືອບິນເຕືອນໄພ ແລະ ຄວບຄຸມເຮືອບິນແບບແຝດ ລວມທັງໃຊ້ໃນການປ້ອງກັນເຮືອບິນຮົບໄອພົ່ນ ເຊັ່ນ: F-35A ແລະ F/A-18E/F Super Hornet.
ໂດຣນ ໄດ້ຮັບການອອກແບບທາງວິສະວະກຳໂດຍໃຊ້ເຕັກໂນໂລຊີ Digital Twins ໃນການຈຳລອງໂຄງສ້າງລະບົບຄວາມສາມາດ ແລະ ຂໍ້ກຳນົດໃນວົງຈອນຊີວິດທັງໝົດ ລວມທັງໃຊ້ລະບົບເຣຊິນອິນຟິວຊັນຂອງ Boeing ໃນການຜະລິດຊິ້ນສ່ວນຂະໜາດໃຫຍ່ (ທີ່ປະຢັດຕົ້ນທຶນ) ແລະ ປະກອບເປັນໂດຣນດ້ວຍຂະບວນການຜະລິດຂັ້ນສູງ.
ທຸລະກິດໃນດ້ານປ້ອງກັນປະເທດ ກຳລັງລົງທຶນໃນເຕັກໂນໂລຊີອິດສະຫຼະທີ່ຄວບຄຸມດ້ວຍຕົນເອງ (ໂດຍໃຊ້ AI) ເພີ່ມຫຼາຍຂຶ້ນ ເນື່ອງຈາກກອງທັບທົ່ວໂລກຕ່າງເບິ່ງຫາວິທີທີ່ປະຢັດ ແລະ ປອດໄພສຳລັບຊັບພະຍາກອນຂອງຕົນຫຼາຍທີ່ສຸດ.