ປັດຈຸບັນ ຫຼາຍຄົນຄົງນິຍົມກິນອາຫານຍີ່ປຸ່ນ ເປັນຕົ້ນແມ່ນ ເຂົ້າປັ້ນຊູຊິ ວາຊາບິ ເຊິ່ງເປັນເຄື່ອງປຸງທຳມະຊາດທີ່ມາຈາກພືດທີ່ໃຫ້ລົດຊາດເຜັດ ວາຊາບິ ນອກຈາກເປັນເຄື່ອງປຸງທີ່ເຮັດໃຫ້ອາຫານແຊບແລ້ວ ຍັງມີປະໂຫຍດຕໍ່ສຸຂະພາບອີກດ້ວຍ.
1. ຕ້ານເຊື້ອຈຸລິນຊີ ເຊິ່ງເປັນສາເຫດຂອງພະຍາດທາງເດີນອາຫານ ເຊັ່ນ: ບາດແຜໃນກະເພາະອາຫານ ບາດແຜໃນລຳໄສ້ອ່ອນ ມະເຮັງໃນກະເພາະອາຫານ.
2. ປ້ອງກັນແຂ້ວແມງ ສານໄອໂຊໄທໂອໄຊຍາເນດ ທີ່ມີຢູ່ໃນບາຊາບິ ສົ່ງຜົນກະທົບຕໍ່ເຊື້ອແບັກທີເຣຍ ທີ່ເປັນສາເຫດຂອງແຂ້ວແມງ.
3. ຕ້ານອາການອັກເສບ ແລະ ການແຂງໂຕຂອງເລືອດ: ມີການສຶກສາຄົ້ນພົບວ່າ ການກິນວາຊາບິ ສາມາດຊ່ວຍຫຼຸດການອັກເສບໄດ້ ແລະ ສາມາດຕ້ານການແຂງໂຕຂອງເມັດເລືອດ.
4. ມີສານຊ່ວຍປິ່ນປົວພະຍາດພູມແພ້: ພະຍາດຫອບຫືດ ພະຍາດຂໍ້ອັກເສບ ພະຍາດລຳໄສ້ອັກເສບ ຫົວໃຈຫຼົ້ມເຫຼວ ແລະ ການຊ໊ອກຈາກພິດທີ່ມາຈາກການຕິດເຊື້ອ.
5. ຕ້ານມະເຮັງ ສານໄອໂຊໄທໂອໄຊຍາເນດ ສາມາດຊ່ວຍປ້ອງກັນການເກີດພະຍາດມະເຮັງບາງຊະນິດ ມະເຮັງປອດ ກະເພາະອາຫານ ລຳໄສ້ອ່ອນ ລຳໄສ້ແກ່ ຕັບ ຫຼອດອາຫານ ຊ່ວງທ້ອງ ລວມທັງມະເຮັງເຕົ້ານົມໄດ້.
6. ຫຼຸດອາການເຈັບທ້ອງ.
7. ຊ່ວຍປ້ອງກັນໝາກໄຂ່ຫຼັງ ເຊິ່ງເປັນອະໄວຍະວະຊ່ວຍກັ່ນຕອງສິ່ງເສດເຫຼືອໃນໝາກໄຂ່ຫຼັງ ສຳລັບຜູ້ທີ່ເປັນເບົາຫວານ.
8. ມີສັບພະຄຸນໃນການຫຼຸດການແຜ່ພັນຂອງເຊື້ອພະຍາດ ທີ່ເຮັດໃຫ້ເກີດອາຫານເປັນພິດ.
ວ. ດາລາວົງ – ນຳສະເໜີ