ປັດໄຈທີ່ເຮັດໃຫ້ຮູບຮ່າງດີ ຫຼືສຸຂະພາບດີ ແນ່ນອນວ່າຄົງຕ້ອງເປັນການຄວບຄຸມອາຫານ ແລະ ອອກກຳລັງກາຍ ກໍຈະເຮັດໃຫ້ຄວາມຄິດດັ່ງກ່າວສົມປາດຖະໜາ ແຕ່ຖ້າຍັງຕັດໃຈກັບອາຫານປະເພດດັ່ງຕໍ່ໄປນີ້ ແລ້ວເຮັດໃຫ້ຕາມໃຈປາກຈົນບໍ່ສາມາດຫ້າມໃຈບໍ່ໄດ້ ໄຂມັນສ່ວນເກີນ ຫຼື “ພຸງ” ນັ້ນ ກໍມີສິດທີ່ຈະກັບມາຫາຕົວທ່ານຢ່າງແນ່ນອນ.
1. ອາຫານນ້ຳຕານສູງ
ສຳລັບອາຫານຈຳພວກນ້ຳຕານສູງທັງຫຼາຍ ບໍ່ວ່າຈະເປັນ ນ້ຳອັດລົມ ນ້ຳຫວານ ນ້ຳປັ່ນ ນ້ຳໝາກໄມ້ບາງປະເພດ (ເຊັ່ນ ນ້ຳສົ້ມ ນ້ຳສະຕຣໍເບີຣີປັ່ນ) ລວມໄປເຖິງເຂົ້າໜົມຕ່າງໆ ເຊັ່ນ ເຄັກ ຄຸກກີ້ ກະແລັມ ແລະ ອາຫານຈຳພວກແຊ່ອີ່ມຕ່າງໆ.
2. ອາຫານທີ່ຜ່ານການຖະໜອມອາຫານ
ອາຫານໃນລັກສະນະນີ້ ມັກຈະມີສ່ວນປະສົມທີ່ເປັນເຄຶ້ອງປຸງສູງ ທັງຫວານຫຼາຍ ເຄັມຫຼາຍ ຫຼືອາດຈະໃສ່ສານກັນເສຍ ແລະ ສານກັນບູດໄປດ້ວຍ ນອກຈາກທີ່ຈະໄດ້ຮັບຣົດຊາດຈາກອາຫານທີ່ປຸງແລ້ວ ຍັງມີຄວາມສ່ຽງທີ່ຈະຕ້ອງຮັບສານອື່ນໆ ທີ່ອາດຈະເປັນອັນຕະລາຍຕໍ່ຮ່າງກາຍອີກດ້ວຍ.
3. ອາຫານໄຂມັນສູງ
ຖ້າໄລ່ໄປຕັ້ງແຕ່ ໝູສາມຊັ້ນ ຊີ້ນງົວຕິດມັນ ຫຼືປາທີ່ມີໄຂມັນສູງ ມັກຈະມີອາຫານທີ່ມີສ່ວນປະກອບທີ່ມີນ້ຳມັນຫຼາຍ ເຊັ່ນ ແກງກະທິ ຂົ້ວແກງຕ່າງໆ ລວມໄປເຖິງອາຫານທີ່ຈືນໃນນ້ຳມັນຫຼາຍໆ ເຊັ່ນ ໝູກອບ ເປັນຕົ້ນ.
4. ເຄື່ອງດື່ມທີ່ມີທາດເຫຼົ້າ
ຕໍ່ໃຫ້ເປັນເຄຶ່ອງດື່ມທີ່ມີທາດເຫຼົ້າປະເພດໃດກໍຕາມ ເຊັ່ນ ເຫຼົ້າ ວາຍ ວັອດກາ ວິສກີ ເປັນຕົ້ນ ຊຶ່ງມີສ່ວນເຮັດໃຫ້ໄຂມັນສະສົມໃນຮ່າງກາຍ ໂດຍສະເພາະ ການອ້ວນລົງພຸງຫຼາຍຂຶ້ນຕາມໄປດ້ວຍ ສະນັ້ນແລ້ວ ຖ້າຢາກມີຮ່າງກາຍທີ່ແຂງແຮງ ໄຮ້ພຸງ ນອກຈາກທີ່ຈະຫຼີ່ກລ່ຽງອາຫານດັ່ງກ່າວທີ່ວ່າມາແລ້ວນັ້ນ ການອອກກຳລັງກາຍກໍສາມາດຊ່ວຍໃຫ້ທ່ານມີຮ່າງກາຍທີ່ແຂງແຮງ ແລະ ຫຼຸດພຸງໄດ້ເຊັ່ນກັນ.