ລາຍງານລະບຸວ່າ ຈຳນວນຫຸ່ນຍົນທີ່ໃຊ້ໃນສະຖານທີ່ເຮັດວຽກທົ່ວສະຫະລັດອາເມຣິກາ ເພີ່ມຂຶ້ນສອງເທົ່າຈາກປີ 2009 ເຖິງປີ 2017.
ລາຍງານດັ່ງກ່າວ ມາຈາກກຸ່ມວິໄຈຂອງ ມູນນິທິ Century Foundation ຊຶ່ງຕັ້ງຢູ່ ໃນນິວຢອກ ຊຶ່ງລະບຸວ່າ ຫຸ່ນຍົນສ່ວນໃຫຍ່ ເຮັດວຽກໃນຝ່າຍການຜະລິດທົ່ວລັດໃນແຖບ ມິດເວສ ຫຼື ແຖບພາກກາງຂອງສະຫະລັດ ສົ່ງຜົນກະທົບຕໍ່ການສູນເສຍວຽກງານດ້ານ ການຜະລິດ.
ທ່ານ William M. Rodgers III ສາສະດາຈານດ້ານນະໂຍບາຍສາທາລະນະ ແລະ ຫົວໜ້ານັກເສດຖະສາດ ທີ່ສູນພັດທະ ນາບຸຄະລາກອນ Heldrich Center ທີ່ມະ ຫາວິທະຍາໄລ Rutgers ໃນລັດນິວເຈີຊີ ເປັນ ຜູ້ຮ່ວມຂຽນລາຍງານທີ່ສຶກສາວ່າຫຸ່ນຍົນ ທີ່ເຮັດວຽກແທນມະນຸດນັ້ນ ສົ່ງຜົນກະທົບຕໍ່ ຄົນງານໃນສະຫະລັດຢ່າງໃດແດ່.
ສາສະດາຈານ Rodgers ກ່າວວ່າ ບັນ ຫານີ້ອາດເຮັດໃຫ້ຜູ້ຄົນຕ້ອງຍ້າຍຖິ່ນຖານ ຫຼື ຍ້າຍວຽກງານຫຼາຍຂຶ້ນ ແຕ່ບັນດາບໍລິສັດທຸ ລະກິດຕ່າງໆທີ່ຂະຫຍາຍຕົວໂດຍທີ່ບໍ່ຕ້ອງອາໄສເຕັກໂນໂລຊີ ບໍ່ຕ້ອງເພິ່ງພາຫຸ່ນຍົນ ສາມາດຮັບມືກັບບັນຫານີ້ໄດ້.
ລັດບາງລັດໃນແຖບມິດເວສ ມີການໃຊ້ ຫຸ່ນຍົນຫຼາຍກວ່າພື້ນທີ່ອື່ນເຖິງສອງເທົ່າ ຊຶ່ງ ເຮັດໃຫ້ຜູ້ຄົນໃນບໍລິເວນນັ້ນໆໄດ້ຮັບຄວາມ ເດືອດຮ້ອນ.
ທີ່ລັດມິຊິແກນ ໂອໄຮໂອ ອິນເດຍນາ ອິນລິນອຍ ແລະ ວິສຄອນຊິນ ມີອັດຕາການ ໃຊ້ແຮງງານຫຸ່ນຍົນສູງທີ່ສຸດ ຊຶ່ງສ່ວນໃຫຍ່ຈະເປັນໃນທຸລະກິດດ້ານການຜະລິດ ທີ່ຊຶ່ງ ຫຸ່ນຍົນມັກຈະເຮັດວຽກທີ່ບໍ່ສັບຊ້ອນຫຼາຍ ປານໃດໃນແຕ່ລະວັນ ລວມເຖິງການປະກອບສິ່ງຕ່າງໆເຂົ້າດ້ວຍກັນ ການລຳລຽງສິນຄ້າ ເຊື່ອມ ຫຼື ທາສີ ເປັນຕົ້ນ.
ລາຍງານພົບວ່າ ຄົນງານທີ່ໄດ້ຮັບຜົນກະ ທົບຫຼາຍທີ່ສຸດຈາກການຖືກຫຸ່ນຍົນເຫຼົ່ານີ້ ຍາດແຍ່ງວຽກ ຄືກຸ່ມຄົນບ່າວສາວ ຊຶ່ງມີລະດັບການສຶກສາໜ້ອຍກວ່າຄົນງານກຸ່ມອື່ນໆ.
ສາສະດາຈານ Rodgers ຕັ້ງຂໍ້ສັງເກດ ວ່າ ຄົນງານໃນສະຫະລັດທີ່ຕ້ອງປ່ຽນວຽກ ມັກຕ້ອງປ່ຽນອາຊີບ ແລະ ຮັບຄ່າຈ້າງທີ່ຕ່ຳ ກວ່າເດີມ ຊຶ່ງອາດກາຍເປັນບັນຫາ ເມື່ອມີ ການຍ້າຍວຽກຈຳນວນຫຼາຍ ຈົນນຳໄປສູ່ ການເກີດບັນຫາແຮງງານລົ້ນຕະຫຼາດໃນ ບາງອຸດສາຫະກຳ ແລະ ວ່າຫາກຄວາມຕ້ອງ ການດ້ານແຮງງານບໍ່ເພີ່ມຂຶ້ນວ່ອງໄວຫຼາຍພໍ ຄ່າແຮງກໍຈະເລີ່ມຫຼຸດລົງ.
ສາສະດາຈານ Rodgers ຮຽກຮ້ອງໃຫ້ ບັນດານາຍຈ້າງພັດທະນາມາດຕະການທີ່ດີ ຂຶ້ນ ໃນການໃຫ້ຄວາມຊ່ວຍເຫຼືອພະນັກງານ ທີ່ຕ້ອງປ່ຽນວຽກ ຫາກພົບວິທີການແກ້ບັນ ຫາທີ່ ຖືກຕ້ອງ ຄົນງານທີ່ຖືກຫຸ່ນຍົນຍາດແຍ່ງ ວຽກອາດສາມາດ ໄດ້ເຮັດວຽກໃນຕຳແໜ່ງ ທີ່ຈ່າຍຄ່າຈ້າງສູງກວ່າເດີມ ໂປຣແກຣມໃຫ້ ຄວາມຊ່ວຍເຫຼືອລູກຈ້າງທີ່ຕົກງານ ຄວນໃຫ້ ຄວາມຮູ້ ຕະຫຼອດຈົນການເຝິກອົບຮົມເພື່ອຊ່ວຍກຽມຄວາມພ້ອມໃຫ້ກັບພະນັກງານ ເຫຼົ່ານັ້ນ ສຳລັບເສັ້ນທາງອາຊີບສາຍໃໝ່ ແລະ ໃນຕອນນີ້ ກໍເປັນເວລາທີ່ດີທີ່ສຸດໃນການ ກຽມຕົວຮັບມືກັບແຮງງານຫຸ່ນຍົນທີ່ມີຈຳ ນວນເພີ່ມຫຼາຍຂຶ້ນ.