ທ່ານ ຄຳຫວານ ວັນລີວົງ ຄູສອນກີລາຍິງທະນູຂອງໂຮງ ຮຽນພອນສະຫວັນກີລາ-ກາຍ ຍະກຳ (ຮພກ) ນັກກີລາຍິງທະນູທີມຊາດລາວ ເຈົ້າຂອງຫຼຽນຄຳປະເພດຄູ່ປະສົມ ລາຍການ ຄອມປ່າວ ງານກີລາຊີເກມ ຄັ້ງທີ 27 ປີ 2013 ໃຫ້ສຳພາດ ເມື່ອບໍ່ດົນມານີ້ວ່າ: ການຄັດເລືອກນັກຮຽນກີລາຍິງທະນູ ຈັດ ຂຶ້ນວັນທີ 3-14 ສິງຫາ 2020 ຢູ່ສູນເຝິກກີລາແຫ່ງຊາດ ເພື່ອຊີງໂກຕ້າຮຽນໂດຍບໍ່ເສຍຄ່າ 60 ທຶນ ດຳເນີນໄປດ້ວຍບັນຍາກາດທີ່ເຄັ່ງຕຶງ ເພາະນັກກີລາ 9 ຄົນ ຍິງ 4 ຄົນ ທີ່ສາມາດຜ່ານການຄັດເລືອກຮອບສຸດທ້າຍ ຈາກ 47 ຄົນ ລ້ວນແຕ່ເປັນນັກຮຽນທີ່ມີພອນສະຫວັນສູງ ແຕ່ຈະພະ ຍາຍາມຄັດເລືອກນັກຮຽນກີລາໃຫ້ໄດ້ຈຳນວນເປົ້າໝາຍຕົວຈິງ 5 ຄົນ ຍິງ 3 ຄົນ ເຂົ້ານອນໃນໂກຕ້າ 60 ທຶນ ເພື່ອສືບຕໍ່ສົ່ງ ເສີມການພັດທະນາເຂົາເຈົ້າໃຫ້ໄປເຖິງຈຸດສຸດຍອດ ກ້າວຂຶ້ນໄປຕິດທີມຊາດ ສືບຕໍ່ສ້າງຜົນງານໃນການແຂ່ງຂັນງານກີລາຍິງທະນູລະດັບພາກພື້ນ ອະນຸພາກພື້ນ ແລະ ສາກົນໃນອະນາຄົດ.
ໂຮງຮຽນ ຮພກ ສ້າງຕັ້ງປີ 2013 ໃນນີ້ ໄດ້ຈັດຕັ້ງປະຕິບັດເປີດການຮຽນ-ການສອນຕາມຫຼັກສູນຂອງກະຊວງສຶກສາທິການ ແລະ ກີລາ ໂດຍສອນສາຍສາມັນສຶກສາ 60% ແລະ ສອນສາຍກີລາ 40% ໃນຊັ້ນ ມ5-ມ7 ຈາກ 12 ປະເພດກີລາ ປະກອບມີ ກີລາແລ່ນ-ລານ ກະ ຕໍ້ ເປຕັງ ປິ່ງປ່ອງ ຍົກນ້ຳໜັກ ມວຍປ້ຳ ວູຊູ ມວຍສາກົນ ເທຄວັນໂດ ຢູໂດ ກາຣາເຕໂດ ແລະ ກີລາຍິງທະນູ.