ໃນປັດຈຸບັນ ຢູ່ຕາມທາງໃນຕົວເມືອງໃຫຍ່ໆ ໂດຍສະເພາະ ແມ່ນຢູ່ນະຄອນຫຼວງພວກເຮົານີ້ມີຍານພາຫະນະຄັບຄາໜາ ແໜ້ນ ປານເສັ້ນເຂົ້າປຸ້ນ ໂດຍສະເພາະ ແມ່ນໃນຊົ່ວໂມງຮີບດ່ວນ (Rush hour) ດັ່ງນັ້ນ ທຸກຄັ້ງກ່ອນອອກຈາກເຮືອນຕ້ອງມີການ ວາງແຜນ ແລະ ກະກຽມຄວາມພ້ອມຮອບດ້ານ ເຊັ່ນ: ນ້ຳມັນລົດ ພໍພຽງແລ້ວບໍ່ ? ສະພາບຮ່າງກາຍເຮົາເດ ? ຄວນມີຢາດົມຕິດໂຕ ຫຼື ບໍ່ ເມື່ອເວລາລົດຕິດດົນໆ ແລະ ສຳຄັນແມ່ນເລື່ອງ “ປົດທຸກ” ຄື: ຖ້າຈຳເປັນຄວນປົດທຸກຢູ່ເຮືອນໄວ້ກ່ອນ ເວລາໄປງານລ້ຽງ ຊຸມແຊວ ການດື່ມການກິນກໍຕ້ອງລະວັງ ແນວຊິອາລະວາດທ້ອງ ເວລາຂັບລົດ ບໍ່ຊັ້ນກໍອາດຕ້ອງໄດ້ປົດທຸກຢູ່ຂ້າງທາງອ້າງສາຍຕາ ຄົນອື່ນ ຄືເຫັນໃນຮູບກາຕູນນີ້ລະ !.
ໂດຍ: ສາວສິ້ນແຕ້ມ