ເນື່ອງຈາກພາຍຸ ຊິນລາກຸ (SINLAKU) ໄດ້ພັດຜ່ານ ສປປ ລາວ ໃນວັນທີ 2 ສິງຫາ 2020 ເຮັດໃຫ້ເກີດຝົນຕົກໜັກ ນ້ຳຖ້ວມ ແລະ ດິນເຈື່ອນ ສົ່ງຜົນກະທົບໂດຍກົງຕໍ່ປະຊາຊົນຢູ່ 2 ແຂວງ ຄື: ແຂວງໄຊຍະບູລີ ແລະ ແຂວງວຽງຈັນ 12 ເມືອງ (ໃນນີ້ ແຂວງໄຊຍະບູລີມີ 9 ເມືອງ ຄື: ເມືອງໄຊຍະບູລີ ຊຽງຮ່ອນ ຫົງສາ ເງິນ ໄຊສະຖານ ພຽງ ບໍ່ແຕນ ທົ່ງມີໄຊ ແກ່ນທ້າວ ແລະ ແຂວງວຽງຈັນມີ 3 ເມືອງ ຄື: ເມືອງຊະນະຄາມ ເມືອງວັງວຽງ ເມືອງກາສີ) 87 ບ້ານ 1.261 ຄອບຄົວ 3.406 ຄົນ (ຍິງ 1.672 ຄົນ) ເຮືອນເສຍຫາຍ 150 ຫຼັງ ເນື້ອທີ່ນາຖືກນ້ຳຖ້ວມ 562.81 ເຮັກຕາ ນອກນີ້ ຍັງສົ່ງຜົນກະທົບຕໍ່ພື້ນຖານໂຄງລ່າງຈຳນວນໜຶ່ງ.
ໃນວັນທີ 5 ສິງຫາ 2020 ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ທັງເປັນຮອງປະທານຜູ້ປະຈຳການຄະນະຄຸ້ມຄອງໄພພິບັດຂັ້ນສູນກາງ ແລະ ສະຫວັດດີການສັງຄົມ ພ້ອມຄະນະ ໄດ້ລົງໄປຊຸກຍູ້ຕິດຕາມ ແລະ ຊ່ວຍເຫຼືອປະຊາຊົນຜູ້ທີ່ປະສົບໄພພິບັດດັ່ງກ່າວໃນ 2 ແຂວງຄື ໄຊຍະບູລີ ແລະ ແຂວງວຽງຈັນ.