ຈາກການສຳຫຼວດຂອງສູນວິໄຈຫຼາຍແຫ່ງພົບວ່າ ຄົນໃນນະຄອນຫຼວງ ໃຊ້ເວລາໃນການເດີນທາງດົນນານຂຶ້ນນັ້ນ ໝາຍຄວາມວ່າ ນອກຈາກເຮົາຈະສູນເສຍໂອກາດໃນການເຮັດກິດຈະກຳຕ່າງໆຫຼາຍດ້ານ ຍັງລວມໄປເຖິງການດູແລສຸຂະພາບ ບໍ່ວ່າຈະເປັນສຸຂະພາບຈິດ ເຊັ່ນ: ຄວາມຫງຸດຫງິດ ຄວາມວິຕົກກັງວົນ ແລະ ຄວາມຕຶງຄຽດ ລວມເຖິງສຸຂະພາບກາຍ ກໍຍັງໄດ້ຮັບຄວາມອ່ອນເພຍ ແລະ ພັກຜ່ອນບໍ່ພຽງພໍເຊັ່ນກັນ.
ສຳລັບຄົນທີ່ມີແຜນຕ້ອງເດີນທາງໄກ ຫຼືເຮັດວຽກແຕ່ເຊົ້າກັບເດິກຕະຫຼອດອາທິດ ມັກຈະພົບກັບສະພາວະງ່ວງເຫງົາ ອ່ອນເພຍ ຫຼື ຂັບໄປພົບລົດຕິດໆແລ້ວເກີດຫິວຂຶ້ນມາ ການກຽມອາຫານໄວ້ຕິດລົດ ນອກຈາກຈະເພື່ອຊ່ວຍຜ່ອນຄາຍຄວາມຫິວແລ້ວ ຍັງຊ່ວຍປຸກໃຫ້ເຮົາສົດຊື່ນ ຕື່ນຈາກຄວາມງ່ວງເຫງົາຫາວນອນອີກດ້ວຍ.
ວັນນີ້ຈຶ່ງຂໍແນະນຳ “5 ອາຫານສຸຂະພາບທີ່ຄວນມີຕິດໄວ້ໃນລົດ” ທີ່ເຮົາສາມາດຫາໄດ້ງ່າຍໃນຊີວິດປະຈຳວັນ ຢາກໃຫ້ລອງຫາໄວ້ຕິດລົດ ຊ່ວຍເຮົາໃນຍາມຈຳເປັນ…
ນ້ຳດື່ມບໍລິສຸດ
ການຈິບນ້ຳດື່ມບໍລິສຸດ ຊ່ວຍໃຫ້ລະດັບອົກຊີແຊນໃນເລືອດເພີ່ມຂຶ້ນ ຮ່າງກາຍເຮົາຈະຮູ້ສຶກຕື່ນຕົວໄດ້ທັນທີ ແລະ ທາງທີ່ດີ ຄວນດື່ມນ້ຳອຸນຫະພູມຫ້ອງ ເພື່ອໃຫ້ຮ່າງກາຍດູດຊຶມໄປໃຊ້ໃນລະບົບໄຫຼວຽນເລືອດໄດ້ທັນທີ ຊຶ່ງຈະຊ່ວຍເພີ່ມຄວາມສົດຊື່ນໄດ້.
ກາເຟ
ກາເຟອີນ ເປັນສິ່ງທີ່ຊ່ວຍໃຫ້ຮ່າງກາຍຕື່ນຕົວໄດ້ຢ່າງມີປະສິດທິພາບ ກ່ອນອອກເດີນທາງກໍຊົງກາເຟໃສ່ກະຕຸກເກັບຄວາມຮ້ອນ ແລ້ວເອົາຕິດລົດໄປນຳດ້ວຍ ປັດຈຸບັນມີກາເຟທີ່ດື່ມແລ້ວດີຕໍ່ສຸຂະພາບ ເອີ້ນວ່ານອກຈາກຊ່ວຍໃຫ້ຮ່າງກາຍຕື່ນຕົວແລ້ວ ຍັງໄດ້ສຸຂະພາບອີກດ້ວຍ ຂໍກ່າວເສີມວ່າ ໃນລະຫວ່າງດື່ມກາເຟ ສາມາດສະຫຼັບກັບນ້ຳບໍລິສຸດ ໃຫ້ກາເຟອີນຊຶມເຂົ້າໄປໃນເລືອດ ອີກທັງການທີ່ເຮົາດື່ມນ້ຳໄປຂະໜາດນີ້ ກໍອາດເຮັດໃຫ້ເຮົາຮູ້ສຶກປວດປັດສາວະເລື້ອຍ ຈົນຕ້ອງແວ່ເຂົ້າຫ້ອງນ້ຳເລື້ອຍໆ ຖືເປັນການພັກຄົນ ພັກລົດໄປໃນຕົວດ້ວຍອີກທາງ.
ອາຫານເພື່ອສຸຂະພາບ
ປັດຈຸບັນ ມີອາຫານສຸຂະພາບສຳເລັດຮູບ ພ້ອມຮັບປະທານທີ່ບໍ່ພຽງແຕ່ມີລົດຊາດແຊບຖືກໃຈ ແຕ່ຍັງອັດແໜ້ນໄປດ້ວຍຄຸນຄ່າທາງໂພຊະນາການສູງ ສ້ອມແຊມຮ່າງກາຍ ແລະ ເສີມພະລັງງານ ມີວັດຖຸດິບທີ່ຊ່ວຍເສີມສ້າງສານຕ້ານອະນຸມູນອິດສະຫຼະ ແລະ ໄຂມັນທີ່ດີໃນຮ່າງກາຍດ້ວຍ ແລະ ເປັນການດູແລສຸຂະພາບໄປໃນຕົວອີກດ້ວຍ ເປັນທາງເລືອກທີ່ດີຕໍ່ຜູ້ບໍລິໂພກ.
ໝາກໄມ້
ເຮົາສາມາດເລືອກໝາກໄມ້ທີ່ເຮົາມັກຕິດໄວ້ໃນລົດ ຈະກຽມໄວ້ຕັ້ງແຕ່ຕອນແລງ ຫຼື ຊອກຫາຊື້ໃນຕະຫຼາດ ຊຶ່ງໝາກໄມ້ມີວິຕາມິນຫຼວງຫຼາຍ ມີກາກໄຍໄຟເບີຊ່ວຍເລື່ອງລະບົບຂັບຖ່າຍ.
“ອາຫານສຸຂະພາບທີ່ຄວນມີຕິດໄວ້ໃນລົດ” ທີ່ເລືອກມານີ້ ນອກຈາກຈະຊ່ວຍຜ່ອນຄາຍຄວາມຫິວ ຊ່ວຍໃຫ້ການເດີນທາງລະຫວ່າງວັນເພີດເພີນຂຶ້ນແລ້ວ ຍັງຊ່ວຍໃຫ້ເຮົາໄດ້ດູແລສຸຂະພາບລະຫວ່າງທາງຂອງເຮົາໄປໃນຕົວ ຮູ້ຈຳນວນປະລິມານອາຫານ ບໍ່ເຜີໄປກິນເຂົ້າໜົມອື່ນໆຕາມໃຈປາກ ການກຽມອາຫານຈາກເຮືອນ ຍັງເຮັດໃຫ້ເຮົາໝົດຫ່ວງເລື່ອງຄວາມສະອາດຂອງອາຫານ ທີ່ເຮົາຮັບປະທານໄດ້ອີກດ້ວຍ.
ວ.ດາລາວົງ-ນຳສະເໜີ