ຍິງໄວກາງຄົນ ຢືນກວັກມືເອີ້ນລົດແທັກຊີຢູ່ແຄມທາງ ນາງຕ້ອງການໄປສະໜາມບິນໃຫ້ທັນເວລາ ພໍປ້າຍເຂົ້າໄປໃນລົດ ໂຊເຟີຕີນຜີກໍອອກລົດໄວປານຊິບິນ ເຮັດໃຫ້ຜູ້ໂດຍສານອົກສັ່ນຂວັນເສຍ ແຕ່ໂຊເຟີກໍໄດ້ແຕ່ເລັ່ງກັບເລັ່ງ ສຸດທ້າຍຍິງຜູ້ໂດຍສານກໍອອກປາກຮ້ອງຂໍວ່າ:
“ລະວັງ ລະວັງ ຊ້າໆແດ່ ຂ້ອຍມີລູກຢູ່ເຮືອນ 3 ຄົນພຸ້ນໃດ ຖ້າເປັນຫຍັງໄປລູກຂ້ອຍຊິຢູ່ກັບໃຜ ?” ໄດ້ຍິນແນວນັ້ນ ໂຊເຟີຕີນຜີເລີຍຕອບສວນມາວ່າ:
“ຖ້າແນວນັ້ນ ເຈົ້າຫັ້ນລະຄວນລະວັງ ສ່ວນຂ້ອຍສະບາຍ ຍັງເປັນໂສດຢູ່ ບໍ່ມີແນວເປັນຫວງຄືເຈົ້າ!”.