ວັນທີ 28 ກໍລະກົດ 2020 ຢູ່ກົມຮ່ວມມືສາກົນ ກະຊວງແຜນການ ແລະ ການລົງທຶນ ມີພິທີເຊັນສັນ ຍາຮັບເອົາການຊ່ວຍເຫຼືອລ້າຈາກລັດຖະບານຍີ່ປຸ່ນ ປະຈຳປີ 2020 ສຳລັບໂຄງການສະໜອງທຶນການ ສຶກສາ ເພື່ອການພັດທະນາຊັບພະຍາກອນມະນຸດ ມູນຄ່າ 2.957.000 ໂດລາສະຫະລັດ ຫຼື ປະມານ 26,7 ຕື້ກີບ ຮ່ວມລົງນາມລະຫວ່າງທ່ານ ນາງ ສີສົມບູນ ອານຸວົງ ຫົວໜ້າກົມຮ່ວມມືສາກົນ ແລະ ທ່ານ ໂຢຊິມະລຸ ໂຢນິຢາມະ ຫົວໜ້າອົງການຮ່ວມມືສາກົນຍີ່ປຸ່ນ (JICA) ປະຈຳລາວ ມີຕາງໜ້າຈາກກະຊວງສຶກສາທິການ ແລະ ກີລາ ກະຊວງການຕ່າງປະເທດ ກະຊວງການເງິນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ສຳລັບໂຄງການ ຈະຈັດຕັ້ງປະຕິບັດຕົວຈິງພາຍຫຼັງທີ່ໄດ້ເຊັນສັນຍາໂດຍອົງການຮ່ວມມືສາກົນຍີ່ປຸ່ນ ແລະ ກະຊວງສຶກສາທິການ ແລະ ກີລາ ແນໃສ່ຍົກລະດັບການພັດທະນາຊັບພະຍາກອນມະນຸດໃນຂະ ແໜງພາກລັດໃນລະດັບປະລິນຍາໂທ ແລະ ປະລິນຍາເອກ ລວມທັງໝົດ 20 ທຶນຕໍ່ປີ ຮຽນທີ່ສະຖາບັນ ແລະ ມະຫາວິທະຍາໄລທີ່ປະເທດຍີ່ປຸ່ນ.