ສະຖານບັນສື່ມວນຊົນ ວັດທະນະທຳ ແລະ ທ່ອງທ່ຽວ ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ (ຖວທ) ຈັດສຳມະນາຫົວຂໍ້ “ການຕອບໂຕ້ ແລະ ຕີຖອຍຂ່າວລວງ ຂ່າວລື ແລະ ຂ່າວປັ່ນ ປ່ວນໃນສື່ສັງຄົມອອນລາຍ” ຂຶ້ນວັນທີ 21 ກໍລະກົດ 2020 ຢູ່ສະຖາບັນດັ່ງກ່າວ ໂດຍເປັນປະທານຂອງທ່ານ ວິໄລທອງ ສີຊານົນ ຫົວໜ້າສະຖາບັນສື່ມວນຊົນ ວັດທະນະທຳ ແລະ ທ່ອງທ່ຽວ ມີທ່ານ ປິ່ນປາຖະ ໜາ ພັນທະມາລີ ຫົວໜ້າກົມສື່ມວນຊົນ ກະຊວງ ຖວທ ພ້ອມດ້ວຍຫົວໜ້າບັນນາທິການ ຮອງຫົວໜ້າບັນ ນາທິການຈາກສື່ມວນຊົນຂະແໜງການຕ່າງໆ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ທ່ານ ວິໄລທອງ ສີຊານົນ ກ່າວວ່າ: ການສຳມະນາຄັ້ງນີ້ ເພື່ອພົບປະ ແລະ ແລກປ່ຽນບົດຮຽນ ຮ່ວມກັນກ່ຽວກັບວຽກຕໍ່ສູ້ປະຈັນບານ ໂດຍສະເພາະວຽກການຕອບໂຕ້ຂ່າວຫຼອກລວງ ຂ່າວບິດເບືອນ ຄວາມຈິງ ແລະ ຂ່າວປັ່ນປ່ວນຕ່າງໆຂອງອົງການສື່ສັງຄົມອອນລາຍ ພ້ອມນີ້ ບັນດາຜູ້ເຂົ້າຮ່ວມຍັງຈະໄດ້ພ້ອມກັນປະກອບຄຳຄິດເຫັນເພື່ອເປັນບັນທັດຖານ ຫຼືເປັນແນວທາງໃນການຕໍ່ສູ້ ແລະ ຕອບໂຕ້ ແກ້ໄຂບັນຫາຕ່າງໆຂອງວຽກສື່ໃນຂັ້ນຕໍ່ໄປ ໃນນີ້ ມີໜ້າໜັງສືພິມ ລາຍການວິທະຍຸ ລາຍການໂທລະ ພາບ ແລະ ທາງສື່ອອນລາຍຕ່າງໆ
ສຳລັບຫົວຂໍ້ຫຼັກທີ່ນຳມາສຳມະນາຄັ້ງນີ້ ປະກອບມີກົດໝາຍ ລະບຽບໃນການຄຸ້ມຄອງສື່ມວນຊົນ ໂດຍສະເພາະສື່ສັງຄົມອອນລາຍ ບາງບົດຮຽນໃນການແກ້ໄຂປາກົດການຫຍໍ້ທໍ້ໃນສື່ອອນລາຍ ແລະ ວິທີ ວິເຄາະຂ່າວຈິງ ແລະ ຂ່າວປອມ ລະບຽບການຄຸ້ມຄອງການສື່ສານຜ່ານໂທລະສັບມືຖື ແລະ ອິນເຕີເນັດ ລະບຽບການລົງໂທດ ແລະ ການດຳເນີນຄະດີຕໍ່ຜູ້ກະທຳຜິດໃນການເຜີຍແຜ່ຂໍ້ມູນຂ່າວສານທີ່ບໍ່ມີມູນ ຄວາມຈິງຜ່ານສື່ສັງຄົມອອນລາຍ ແລະ ອິນເຕີເນັດ.