ປີນີ້ເປັນປີຄົບຮອບ 65 ປີແຫ່ງການສ້າງຕັ້ງສະຫະພັນແມ່ຍິງລາວ ເປົ້າໝາຍຫຼັກຂອງອົງກອນດັ່ງກ່າວ ແມ່ນແນໃສ່ສົ່ງເສີມສິດທິສະເໝີພາບຍິງ-ຊາຍ ແລະ ສິດທິແມ່ຍິງໃນປະເທດ ຍ້ອນການໃຫ້ຄວາມເຂັ້ມແຂງນີ້ ແມ່ຍິງລາວ ຈຶ່ງໄດ້ມີໂອກາດສະແດງຄວາມສາມາດ ແລະ ສະມັດຖະພາບໃນພາກລັດ ແລະ ເອກະຊົນ ຜ່ານຂະບວນການພັດທະນາປະເທດຊາດ.
ແມ່ຍິງລາວຫຼາຍຄົນໃນປະຫວັດສາດ ແລະ ປັດຈຸບັນທີ່ໄດ້ສະແດງຄວາມເປັນຜູ້ນຳໄດ້ດີເດັ່ນ ແລະ ສາມາດນຳພາອົງກອນຂອງຕົນໄປເຖິງເປົ້າໝາຍທີ່ສຳເລັດຜົນ ພວກເຂົາມີຄວາມສາມາດ ຮູ້ວິທີນຳໃຊ້ເຕັກໂນໂລຊີ ໂດຍສະເພາະສື່ສັງຄົມອອນລາຍ ແລະ ນຳໃຊ້ໃຫ້ເປັນເຄື່ອງມືໃນການພັດທະນາທຸລະກິດ.
ທ່ານນາງ ມະໂນທິບ ສິຣິປະພັນ ຜູ້ກໍ່ຕັ້ງບໍລິສັດກະເປົາ ນາຣີ (NAREE) ແລະ ທ່ານນາງ ດວງມະນີ ເຮືອງຄຳແສນ ຜູ້ກໍ່ຕັ້ງບໍລິສັດ ເຮີ ເວີກ (Her Works) ສື່ສັງຄົມອອນລາຍ ດັ່ງ Facebook ໄດ້ເປັນກະແຈອັນສຳຄັນໃນການພັດທະນາທຸລະກິດ ແລະ ຍີ່ຫໍ້ຂອງເຂົາ ທັງສອງທຸລະກິດໄດ້ພິສູດໃຫ້ເຫັນວ່າ ຮູບແບບທຸລະກິດທີ່ມີເອກະລັກແບບນີ້ ສາມາດເປັນຜູ້ນຳໃນການດຳເນີນທຸລະກິດໃນປະເທດລາວ ຍ້ອນຄຸນສົມບັດເຄື່ອງມື Free ຂອງແພລດຟອມ Facebook ທັງສອງຍີ່ຫໍ້ ຈຶ່ງສາມາດປະສົມປະສານຄວາມຄິດທີ່ເປັນວັດທະນະທຳ ແລະ ຄວາມທັນສະໄໝເຂົ້ານຳກັນ ເພື່ອສ້າງກະເປົາຜ້າຝ້າຍ ແລະ ຜ້າໄໝ ສຳລັບຍີ່ຫໍ້ ນາຣີ ແລະ ເຄື່ອງນຸ່ງ ແລະ ເຄື່ອງປະດັບແບບຊົນເຜົ່າປະຍຸກສຳລັບຍີ່ຫໍ້ ເຮີ ເວີກ.
ທ່ານນາງ ດວງມະນີ ເຮືອງຄຳແສນ ກ່າວວ່າ: ໃນໄລຍະທຳອິດທີ່ພະຍາດໂຄວິດ-19 ລະບາດ ພວກເຮົາໄດ້ປັບປຸງວິທີການຂາຍ ຈາກການສຸມໃສ່ພຽງແຕ່ຕະຫຼາດຕ່າງປະເທດ ແລະ ການສົ່ງອອກສູ່ຕະຫຼາດພາຍໃນ ຈຶ່ງເຮັດການຖ່າຍຮູບ ແລະ ການນຳໃຊ້ສື່ສັງຄົມອອນລາຍ Facebook ຫຼາຍຂຶ້ນຕື່ມ ເພື່ອປູກຈິດສຳນຶກຂອງຍີ່ຫໍ້ ເຮີ ເວີກ ໃນກຸ່ມລູກຄ້າ.
ທ່ານນາງ ມະໂນທິບ ສິຣິປະພັນ ກ່າວວ່າ: ພວກເຮົາດຳເນີນທຸລະກິດໃນຮູບແບບ Online to Offline ມີເວັບໄຊ (www.naree.com) ເພຈ Instagram (nareehandbags) ແລະ ເພຈ Facebook (Naree handbags) ເຊິ່ງເປັນທີ່ແນ່ນອນທີ່ ເພຈ Facebook ຂອງເຮົາສຳຄັນທີ່ສຸດ ເພາະລູກຄ້າສ່ວນໃຫຍ່ 95% ແມ່ນລູກຄ້າຄົນລາວພາຍໃນປະເທດ ແລະ ພວກເຮົາຕ້ອງມີການໂຄສະນາເລື້ອຍໆ ຢ່າງໜ້ອຍວັນລະເທື່ອ.