ຈັດກິດຈະກຳອ່ານຫົວຂໍ້ “ຫຼຸດພົ້ນອອກຈາກຄວາມທຸກຍາກ” ພ້ອມເປີດນຳໃຊ້ຕູ້ປື້ມຄັງປັນຍາຈາກພາກໃຕ້ ສປ ຈີນ ແລະ ແບ່ງປັນເລື່ອງລາວຈາກຖໂຄງການຫຼຸດຜ່ອນຄວາມທຸກຍາກ ລາວ-ຈີນ ຂຶ້ນໃນວັນທີ 6 ກຸມພາ 2026 ທີ່ຫໍສະໝຸດແຫ່ງຊາດ ນະຄອນຫຼວງວຽງຈັນ ໂດຍການເຂົ້າຮ່ວມຂອງ ທ່ານ ສາຄອນ ພົມມະລາດ ຮອງຫົວໜ້າຄະນະໂຄສະນາອົບຮົມສູນກາງພັກ ທ່ານ ກາຍ ສຽນ ຫຼົງ ຮອງຄະນະໂຄສະນາອົບຮົມແຂວງ ຢູນນານ ສປ ຈີນ ທ່ານ ຄຳພູ ເພຍສັກຂາ ວ່າການຫົວໜ້າກົມແຜນການແລະການຮ່ວມມືສາກົນ ກະຊວງວັດທະນະທຳ ແລະ ການທ່ອງທ່ຽວ ພ້ອມພາກສ່ວນກ່ຽວຂ້ອງ.
ທ່ານ ຄຳພູ ເພຍສັກຂາ ກ່າວໃນກິດຈະກຳຄັ້ງນີ້ວ່າ: ພວກເຮົາໄດ້ເຕົ້າໂຮມກັນຢູ່ຫໍສະໝຸດແຫ່ງຊາດລາວ ເພື່ອຮ່ວມກັນຈັດງານ ສະໂມສອນອ່ານ “ຫຼຸດພົ້ນອອກຈາກຄວາມທຸກຍາກ” ແລະ ໃນເວລາດຽວກັນ ພວກເຮົາໄດ້ເປັນພະຍານເຖິງການເປີດຕູ້ປື້ມ ອົບອຸ່ນຈາກພາກໃຕ້” ໃນນາມ ກະຊວງວັດທະນະທຳ ແລະ ການທ່ອງທ່ຽວ ແຫ່ງ ສປປ ລາວ ຂໍສະແດງຄວາມ ຊົມເຊີຍຢ່າງສຸດໃຈຕໍ່ການຈັດງານຄັ້ງນີ້ ແລະ ຂໍສະແດງຄວາມຂອບໃຈຢ່າງຈິງ ໃຈມາຍັງປະຊາຊົນທຸກທົ່ວໜ້າທີ່ໄດ້ປະກອບສ່ວນໃຫ້ແກ່ການຮ່ວມມືຫຼຸດຜ່ອນ ຄວາມທຸກຍາກ ແລະ ການແລກປ່ຽນວັດທະນະທໍາລາວ-ຈີນ.
ເມື່ອເດືອນພະຈິກປີກາຍນີ້ ໃນກອງປະຊຸມສໍາມະນາທິດສະດີລະຫວ່າງສອງພັກ ລາວ-ຈີນ ທີ່ນະຄອນປາກເຊ ແຂວງຈໍາປາສັກ ສະຫາຍ ລີ ຂູ່ເລີຍ ກຳມະການກົມການເມືອງສູນກາງພັກ ເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນ ໄດ້ນໍາສະເໜີງານວາງສະແດງຫົວຂໍ້”ດອກຈຳປາພົບກັບດອກກຸຫຼາບ” ເສັ້ນທາງວັດທະນະທໍາຈີນ-ລາວ.
ໃນນັ້ນ ປື້ມທິດສະດີທີ່ສໍາຄັນຂອງສອງປະເທດ ແລະ ສອງພັກໄດ້ກາຍເປັນຈຸດ ສຸມຂອງຄວາມສົນໃຈຂອງທຸກໆຄົນ, ໂດຍປື້ມ “ສີຈິ້ນຜິງ: ວ່າດ້ວຍການ ປົກຄອງປະເທດ ແລະ ບໍລິຫານການເມືອງ” ແລະ ການກຳຈັດຄວາມທຸກຍາກ” ແມ່ນໄດ້ຮັບຄວາມນິຍົມຫຼາຍທີ່ສຸດ ດ້ວຍເຫດນັ້ນ ບັນດາພະແນກການທີ່ ກ່ຽວຂ້ອງຂອງສອງປະເທດໄດ້ຮ່ວມມືກັນ ຜ່ານຄວາມພະຍາຍາມມາເປັນເວລາ 3 ເດືອນ ມື້ນີ້ພວກເຮົາຈຶ່ງມີໂອກາດໄດ້ແບ່ງປັນ “ງານມະໂຫລານແນວຄິດ” ຢູ່ ຫໍສະໝຸດແຫ່ງຊາດລາວ.
ການຫຼຸດຜ່ອນຄວາມທຸກຍາກແມ່ນສິ່ງທ້າທາຍທົ່ວໄປຂອງມະນຸດຊາດ ລາວ-ຈີນ ຮ່ວມມືກັນໃນຂົງເຂດຫຼຸດຜ່ອນຄວາມທຸກຍາກ ແລະ ພັດທະນາ ລົງເລິກ ການຮ່ວມມື ຈາກການປັບປຸງພື້ນຖານໂຄງລ່າງດ້ານຊີວິດການເປັນຢູ່ຂອງ ປະຊາຊົນຈົນເຖິງການສະໜັບສະໜູນການປູກຝັງອຸດສາຫະກຳທີ່ມີລັກສະນະ ພິເສດ ຈາກການຍົກລະດັບຄວາມສາມາດໃນການພັດທະນາຊົນນະບົດໄປສູ່ ການປັບປຸງຊີວິດການເປັນຢູ່ຂອງປະຊາຊົນ ມາດຕະການຮ່ວມມືຕົວຈິງຫຼາຍ ຢ່າງໄດ້ຈັດຕັ້ງປະຕິບັດຢ່າງມີປະສິດທິຜົນ ເພື່ອໃຫ້ປະຊາຊົນສອງປະເທດໄດ້ ແບ່ງປັນໝາກຜົນແຫ່ງການພັດທະນາ.
ປື້ມ “ຫຼຸດພົ້ນອອກຈາກຄວາມທຸກຍາກ” ໄດ້ເຕົ້າໂຮມສະຕິປັນຍາອັນລໍ້າຄ່າ ແລະ ປະສົບການຕົວຈິງໃນການພັດທະນາ ຂອງພັກ ແລະ ລັດຈີນ ເປັນເອກະສານອ້າງອີງທີ່ສໍາຄັນສໍາລັບລາວໃນການຄົ້ນ ຫາເສັ້ນທາງຫຼຸດຜ່ອນຄວາມທຸກຍາກທີ່ສອດຄ່ອງກັບສະພາບແຫ່ງຊາດຂອງຕົນ.
ສຳລັບຕູ້ປື້ມ ອົບອຸ່ນຈາກພາກໃຕ້” ທີ່ເປີດໃນມື້ນີ້ແມ່ນການເຄື່ອນໄຫວທີ່ອົບອຸ່ນຂອງ ການແລກປ່ຽນວັດທະນະທໍາ ລະຫວ່າງ ລາວ-ຈີນ ແລະມັນແມ່ນການປະຕິບັດ ທີ່ມີຊີວິດຊີວາຂອງວັດທະນະທໍາ ເພື່ອສ້າງຄວາມເຂັ້ມແຂງໃນການຫຼຸດຜ່ອນ ຄວາມທຸກຍາກ.
ພາຍໃນງານຄັ້ງນີ້ ຍັງໄດ້ເປີດຕູ້ປື້ມຄັງປັນຍາຈາກພາກໃຕ້ ສປ ຈີນ ການແບ່ງປັນເລື່ອງລາວຂອງພາກສ່ວນທີ່ໄດ້ຮັບຜົນປະໂຫຍດຈາກໂຄງການລຶບລ້າງຄວາມທຸກຍາກ ລາວ-ຈີນ ໃນຫົວຂໍ້ຕ່າງໆເຊັນ: ແນວຄວາມຄະດໄດ້ຮັບກການຈຸດປະກາຍ ອຸດສາຫະກຳໄດ້ຮັບການກະຕຸ້ນ ແລະ ຊີວິດໄດ້ຮັບແສງສະຫວ່າງ ພ້ອມນັ້ນຍັງໄດ້ຮັບຊົມການສະແດງສິລະປະຂອງນ້ອງນັກຮຽນໂຮງຮຽນປະຖົມບ້ານໜອງປິງ ເມືອງຈັນທະບູລີ ນະຄອນຫຼວງວຽງຈັນ ຕື່ມອີກ.
