ໂດຍ: ສ.ຣາຊະສີ
ບ້ານແກ້ງກຸ່ມ ຕັ້ງຢູ່ຫ່າງຈາກຕົວເມືອງ ໂຂງ 32 ກິໂລ ແມັດ ເປັນຊຸມຊົນທີ່ຕັ້ງຢູ່ເທິງ ດອນ ມີປະຊາກອນ 785 ຄົນ ໃນນັ້ນມີແມ່ຍິງ 395 ຄົນ ຊາວບ້ານສ່ວນໃຫຍ່ ປະກອບອາຊີບກະ ສິກໍາ ໂດຍສະເພາະການປູກເຂົ້າ ແລະ ການຫາປາ ເຊິ່ງສະທ້ອນ ເຖິງວິຖີຊີວິດໃນຊົນນະບົດຢ່າງ ຊັດເຈນ.
ເຖິງແມ່ນວ່າ ບ້ານຈະມີໄຟຟ້າ ແລະ ນໍ້າປະປາໃຊ້ຢ່າງຄົບຖ້ວນ ແຕ່ການຕັ້ງຢູ່ເທິງດອນກໍຍັງມີຂໍ້ຈໍາກັດຫຼາຍຢ່າງ ໂດຍສະ ເພາະຕໍ່ການເຂົ້າເຖິງການສຶກສາ ແລະ ໂພຊະນາການຂອງເດັກນ້ອຍ.
ໂຮງຮຽນປະຖົມແກ້ງກຸ່ມ ມີນັກຮຽນທັງໝົດ 96 ຄົນ ຍິງ 55 ຄົນ ເປີດການຮຽນ-ການສອນ 3 ຫ້ອງຮຽນ ໂຮງຮຽນມີເຮືອນຄົວ ຫ້ອງເກັບເຄື່ອງ ແລະ ສວນຜັກ ເພື່ອສົ່ງເສີມການຮຽນຮູ້ດ້ານໂພຊະນາການໃຫ້ແກ່ນັກຮຽນ.
ໂຄງການອາຫານທ່ຽງໃນໂຮງຮຽນ ບ້ານແກ້ງກຸ່ມ ບໍ່ແມ່ນພຽງແຕ່ການອີ່ມທ້ອງຂອງເດັກນ້ອຍ ແຕ່ເປັນ ກ້າວສໍາ ຄັນໃນການສ້າງອະນາຄົດທີ່ດີກວ່າ ໃຫ້ແກ່ນັກຮຽນໃນຊຸມຊົນດອນກາງນ້ໍາແຫ່ງນີ້.
ປັດຈຸບັນນັກຮຽນກໍມີຄວາມສົນໃຈ ມາໂຮງຮຽນຫຼາຍຂຶ້ນ ແລະ ເປັນປົກ ກະຕິ ບໍ່ຂາດການຮຽນ ອົງການ WFP ໂດຍການສະໜັບສະໜູນຂອງໂຄງການອາຫານທ່ຽງມີ: ເຂົ້າທີ່ເສີມວິຕາມິນ ປາກະປ໋ອງ ນໍ້າມັນພືດ ແລະ ອາຫານ ຈໍານວນໜຶ່ງແມ່ນໄດ້ຈາກການປະກອບສ່ວນຂອງປະຊາຊົນພາຍໃນບ້ານ.
ທ່ານ ນາງ ສຸກສະໝອນ ອ້ວນພົງຈະເລີນ ຮອງຜູ້ອໍານວຍການໂຮງຮຽນປະ ຖົມບ້ານແກ້ງກຸ່ມ ໄດ້ໃຫ້ສໍາພາດ ຕໍ່ສື່ມວນຊົນວ່າ: ອົງການອາຫານໂລກ ໄດ້ ເຂົ້າມາຊ່ວຍເຫຼືອສໍາລັບອາຫານທ່ຽງໃຫ້ໂຮງຮຽນປະຖົມບ້ານແກ້ງກຸ່ມ ເລີ່ມແຕ່ປີ 2021 ຈົນມາເຖິງປັດຈຸບັນ ຜ່ານມາປະຊາຊົນ ຍັງບໍ່ເຂົ້າໃຈກ່ຽວກັບການປຸງ ແຕ່ງອາຫານແຕ່ວ່າໃນປັດຈຸບັນນີ້ ເຫັນວ່າມີ ຄວາມເຂົ້າໃຈຫຼາຍຂຶ້ນ ແລະ ເຂົ້າໃຈ ກ່ຽວກັບໂຄງການອາຫານທ່ຽງຫຼາຍຂຶ້ນ ໃນນັ້ນ ຈາກຜ່ານມາມີນັກຮຽນປະລະ ການ ຮຽນ.
ປັດຈຸບັນນັກຮຽນກໍມີຄວາມສົນໃຈ ມາໂຮງຮຽນຫຼາຍຂຶ້ນ ແລະ ເປັນປົກ ກະຕິ ບໍ່ຂາດການຮຽນ ອົງການ WFP ໂດຍການສະໜັບສະໜູນຂອງໂຄງການອາຫານທ່ຽງມີ: ເຂົ້າທີ່ເສີມວິຕາມິນ ປາກະປ໋ອງ ນໍ້າມັນພືດ ແລະ ອາຫານ ຈໍານວນໜຶ່ງແມ່ນໄດ້ຈາກການປະກອບສ່ວນຂອງປະຊາຊົນພາຍໃນບ້ານ.
ທ່ານ ສົມຮັກ ເລຶອງວັນໄຊ ນາຍບ້ານໆແກ້ງກຸ່ມ ໄດ້ໃຫ້ຮູ້ວ່າ: ໂຮງຮຽນປະຖົມສົມບູນບ້ານແກ້ງກຸ່ມເປັນ ໜຶ່ງໂຮງຮຽນຕົວແບບໃນການປະຕິບັດໂຄງການ ອາຫານທ່ຽງ ສະນັ້ນ ນັບແຕ່ມີໂຄງການອາຫານທ່ຽງເຂົ້າມາຈັດຕັ້ງປະຕິບັດຢູ່ໂຮງ ຮຽນແຫ່ງນີ້ເຫັນໄດ້ວ່ານັກຮຽນໄດ້ຮັບອາຫານຕາມສັດສ່ວນຂອງໂພຊະນາການ ພ້ອມນັ້ນຍັງເປັນການແບ່ງເບົາຄາບເຂົ້າຫຼື ອາຫານທ່ຽງຂອງຜູ້ປົກຄອງ ເຮັດໃຫ້ເດັກນ້ອຍນັກຮຽນ ບໍ່ຈໍາເປັນໄດ້ກັບບ້ານໃນຕອນທ່ຽງ ໃນນັ້ນ ຖືວ່າການປະກອບ ສ່ວນຂອງພໍ່ແມ່ນັກຮຽນ ກໍຄື ສັງຄົມຢູ່ໃນບ້ານ ກໍໄດ້ມີນະໂຍບາຍວ່າເກັບເງິນ ໃນສົກຮຽນ ໜຶ່ງ 10.000 ກີບ/ຄອບຄົວ.
ການປຸງແຕ່ງອາຫານໃນແຕ່ລະມື້ແມ່ນແບ່ງອອກເປັນແຕ່ລະຈຸພັດປ່ຽນກັນໃນແຕ່ລະມື້ໂດຍຖືວັດຖຸດິບຕ່າງໆຈໍານວນໜຶ່ງມານໍາເຊັ່ນ: ຊີ້ນ ປາ ພືດຜັກ ໝາກເຜັດ ແປ້ງນົວຕ່າງໆ ແລະອື່ນໆ ແລະ ອາຫານໃນແຕ່ລະມື້ຈະມີເມນູແຕກຕ່າງກັນໂດຍເນັ້ນໂພຊະນາການເປັນຫຼັກ ເພື່ອໃຫ້ລູກ-ຫຼານພາຍໃນໂຮງຮຽນໄດ້ຮັບປະທານອາຫານອີ່ມ ພຽງພໍ ແລະ ດີຕໍ່ສຸຂະພາບຂອງເຂົາເຈົ້າ.
ທ່ານ ນາງ ສຸກສະຫວັນ ສິລິແພງພັນ ສະມາຊິກແມ່ຍິງບ້ານແກ້ງກຸ່ມ ໃຫ້ສຳພາດວ່າ: ເອື້ອຍນ້ອງແມ່ຍິງພວກເຮົາໄດ້ເຂົ້າມາມີສ່ວນຮ່ວມໃນກິດຈະກຳໂຄງການອາຫານທ່ຽງ ນັບຕັ້ງແຕ່ເລີ່ມຕົ້ນ ໂດຍໄດ້ເຂົ້າຮ່ວມເຝິກອົບຮົມ ຮັບຟັງການເຜີຍແຜ່ຄວາມສຳຄັນຂອງກິດຈະກຳ ແລະ ກໍໄດ້ເຂົ້າຮ່ວມມາຈົນເຖິງປັດຈຸບັນບັນ ການເຂົ້າຮ່ວມນີ້ ແມ່ນທາງບ້ານໄດ້ຈັດເປັນຈຸໃນແຕ່ລະວັນ ສ່ວນການປຸງແຕ່ງອາຫານນັ້ນ ນອກຈາກອາຫານທີ່ໂຄງການສະໜອງໃຫ້ແລ້ວເຊັ່ນ ເຂົ້າ ປາກະປ໋ອງ ນ້ຳມັນພືດ ແລະ ຖົ່ວ ແລ້ວ ຍັງມີການປະກອບສ່ວນສ່ວນຂອງພໍ່ແມ່ປະຊາຊົນ ເພື່ອເຮັດໃຫ້ອາຫານທ່ຽງຂອງນ້ອງນັກຮຽນມີຄວາມຫຼາກຫຼາຍ.
ນີ້ກໍຖືວ່າເປັນອີກຊຸມຊົນໜຶ່ງທີ່ໄດ້ເອົາໃຈໃສ່ໃນການມີສ່ວນຮ່ວມ ໃນການຈັດຕັ້ງປະຕິບັດໂຄງການອາຫານທ່ຽງໃນໂຮງຮຽນ ນ້ອຍຈາກການມີສ່ວນຮ່ວມທາງດ້ານແຮງງານແລ້ວ ຍັງມີສ່ວນຮ່ວມໃນການສິໜອງວັດຖຸດິບເຂົ້າໃນການປຸງແຕ່ງອາຫານໃຫ້ມີຄວາມຫຼາກຫຼາຍ ເພື່ອໃຫ້ເດັກນ້ອຍໄດ້ຮັບສານອາຫານຄົບໝູ່ ກໍຄື ໄດ້ຮັບໂພຊະນາການທີ່ດີ ຕາມຈຸດປະສົງຂອງໂຄງການ.