ຊາຍເຖົ້າອາຍຸເກືອບຢຽບເຂົ້າເລກແປດ (80) ແຕ່ພະຍາດຫົວງູຍັງບໍ່ຍອມຈາງຫາຍໄປກັບອາຍຸ ເນື່ອງຈາກເປັນຄົນຖົງເງິນຕື່ງ ຊາຍເຖົ້າຄົນນີ້ຈຶ່ງສາມາດຫິ້ວສາວນ້ອຍເຂົ້າເຮືອນພັກບໍ່ອັ້ນ ແຕ່ຫຼາຍເທື່ອຕໍ່ຫຼາຍທີ ເຫື່ອແຮງກໍບໍ່ເປັນໃຈ ດັ່ງນັ້ນ ເຖົ້າຈຶ່ງຊອກຊື້ແນວບຳລຸງກຳລັງເພື່ອກຽມໃສ່ໃນຄ່ຳຄືນໜຶ່ງ ເຖົ້າໄປຊອກຊື້ເຫຼົ້າບອງຢາທີ່ມີປ້າຍຂຽນວ່າ “ເຫຼົ້າສາວນ້ອຍຕົກຕຽງ” ກ່ອນຈົກເງິນຊື້ ເຂົາເວົ້າກັບຜູ້ຂາຍວ່າ:
“ລະວັງ ຄັນບໍ່ຄືກັບຄຳໂຄສະນາ ເຈົ້າຕ້ອງສົ່ງເງິນຄືນໃຫ້ຂ້ອຍ”.
“ເອີ…ໜາ ບໍ່ຕ້ອງຫວ່ງ ໄດ້ຜົນເກີນຄາດແນ່ນອນ !” ເຈົ້າຂອງຮ້ານຕອບ
ພໍຮອດເຊົ້າມື້ໃໝ່ ເຖົ້າຫົວງູ ເຊິ່ງມີໜ້າຜາກໂປລົກປົກ ກໍຍ່າງຊົກເຊເຂົ້າໄປຮ້ານຂາຍເຫຼົ້າບ່ອນເກົ່າ ແລ້ວຊີ້ໜ້າເຈົ້າຂອງຮ້ານ ທັງເວົ້າຂຶ້ນວ່າ:
“ເອົາເງິນມາດຽວນີ້… ເຮົາຖືກຕີນມັນທຳຈົນຕົກຕຽງ… ອີ່ນາງນ້ອຍຫັ້ນນອນເສີຍ ມຶງຄືຕົວະ ເອົາເງິນຄືນມາໃຫ້ກູດຽວນີ້ !!!”.