ພິທີເຊັນສັນຍາກໍ່ສ້າງລະບົບນໍ້າປະປາກຸ່ມບ້ານຢູ່ເມືອງໃໝ່ ເມືອງຂວາ ເມືອງສຳພັນ ແລະ ເມືອງບຸນໃຕ້ ແຂວງຜົ້ງສາລີ ຂອງໂຄງການຂະຫຍາຍນໍ້າປະປາສຸຂາພິບານ ແລະ ອະນາໄມຢູ່ 4 ແຂວງພາກເໜືອງຂອງ ສປປ ລາວ ຈັດຂຶ້ນວັນທີ 30 ພຶດສະພາ 2024 ທີ່ນະຄອນຫຼວງວຽງຈັນ ຮ່ວມລົງນາມລະຫວ່າງທ່ານ ສົມປອງ ສິດທິວົງ ຫົວໜ້າກົມນໍ້າປະປາ ກະຊວງໂຍທາທິການ ແລະ ຂົນສົ່ງ (ຍທຂ) ທ່ານ ບຸນພານິດ ແກ້ວຮຸ່ງ ຫົວໜ້າພະແນກ ຍທຂ ແຂວງຜົ້ງສາລີ ແລະ ທ່ານ ຊັງ ຫຼຽງ ຜູ້ຕາງໜ້າບໍລິສັດ Shamhai Constraction Group Co Ltd ເປັນກຽດເຂົ້າຮ່ວມຂອງທ່ານ ລັນ ແສງອາພອນ ຮອງລັດທະມົນຕີກກະຊວງໂຍທາທິການ ແລະ ຂົນສົ່ງ ພ້ອມດ້ວຍຂະແໜງການກ່ຽວຂ້ອງ.
ໂຄງການຂະຫຍາຍນໍ້າປະປາ ສຸຂາພິບານ ແລະ ອະນາໄມ ຢູ່ 4 ແຂວງພາກເໜືອຂອງ ສປປ ລາວແມ່ນໂຄງການໜຶ່ງໂດຍໄດ້ຮັບເງິນກູ້ຢືມຈາກທະນາຄານໂລກ ມີ 2 ກະຊວງຈັດຕັ້ງປະຕິບັດຮ່ວມກັນ ຄື ມີກົມນໍ້າປະປາ ກະຊວງ ຍທຂ ເປັນຂະແໜງ ການຫຼັກ ແລະ ກົມອະນາໄມ ແລະ ສົ່ງເສີມສຸຂະພາບ ກະຊວງສາທາລະນະສຸກເປັນຄູ່ຮ່ວມພັດທະນາ ມີມູນຄ່າລວມທັງໝົດ 18 ລ້ານ ເອັດດີອາຣ໌ ຫຼື ທຽບເທົ່າ 25 ລ້ານໂດລາສະຫະລັດໃນປີ 2019 ໂດຍຈະຈັດຕັ້ງປະຕິບັດຢູ່ 12 ເມືອງຂອງ 4 ແຂວງພາກເໜືອຂອງ ສປປ ລາວ ຄື ເມືອງໃໝ່ ເມືອງຂວາ ເມືອງສໍາພັນ ແລະ ເມືອງບຸນໃຕ້ (ແຂວງຜົ້ງສາລີ) ເມືອງຫຼາ ແລະ ເມືອງນາໝໍ້ (ແຂວງອຸດົມໄຊ) ເມືອງຫົວເມືອງ ເມືອງຊໍາໃຕ້ ເມືອງກວັນ ແລະ ເມືອງຊ່ອນ (ແຂວງຫົວພັນ) ແລະ ເມືອງຄໍາ ແລະ ເມືອງໜອງແຮດ (ແຂວງຊຽງຂວາງ). ຈຸດປະສົງຫຼັກຂອງໂຄງການແມ່ນເພື່ອເຂົ້າເຖິງການສະໜອງນ້ຳທີ່ສະອາດ ແລະ ປອດໄພ ສຸຂາພິບານ ແລະ ການບໍລິການດ້ານອະນາໄມໃນພື້ນທີ່ເປົ້າໝາຍໂຄງການ ພ້ອມທັງສ້າງຄວາມເຂັ້ມແຂງ ໃຫ້ແກ່ບັນດາອົງການຈັດຕັ້ງທີ່ກ່ຽວຂ້ອງໃນການປັບປຸງການບໍລິການໃຫ້ມີຄວາມຍືນຍົງ ເຊິ່ງມີ 4 ອົງປະກອບຄື ກໍ່ສ້າງລະບົບນໍ້າປະປາກຸ່ມບ້ານ ກໍ່ສ້າງ-ປັບປຸງ ລະບົບນໍ້າຊຸມຊົນ ແລະ ສຸຂາພິບານ ແບບຍືນຍົງ (ກະຊວງ ຍທຂ ເປັນຜູ້ຮັບຜິດຊອບ) ຊຸກຍູ້ຊຸມຊົນໃນການສົ່ງເສີມແບບຍືນຍົງກ່ຽວກັບການນຳໃຊ້ນໍ້າ ສຸຂາພິບານ ແລະ ອະນາໄມ (ກະຊວງ ສາທາລະນະສຸກເປັນຜູ້ຮັບຜິດຊອບ) ຊຸກຍູ້ການຈັດຕັ້ງປະຕິບັດໂຄງການ ແລະ ການພັດທະນາຂະແໜງການ (ກະຊວງ ຍທຂ ເປັນຜູ້ຮັບຜິດຊອບ) ໃນກໍລະນີເກີດໄພພິບັດທີ່ລັດຖະບານອອກຖະແຫຼງການ (ທັງ 2 ກະຊວງ ຮັບຜິດຊອບຮ່ວມກັນ).
ສຳລັບການເຊັນສັນຍາຄັ້ງນີ້ຈະກໍ່ສ້າງລະບົບນໍ້າປະປາຢູ່ກຸ່ມບ້ານທີ່ຂຶ້ນກັບເມືອງໃໝ່ ເມືອງຂວາ ເມືອງສຳພັນ ແລະ ເມືອງບຸນໃຕ້ ມູນຄ່າທັງໝົດ 2 ລ້ານກວ່າໂດລາສະຫະລັດ ໃນນີ້ການກໍ່ສ້າງລະບົບນໍ້າປະປາກຸ່ມບ້ານທີ່ຂຶ້ນກັບຢູ່ເມືອງໃໝ່ ແລະ ເມືອງຂວາມູນຄ່າ 1.080.315,48 ໂດລາສະຫະລັດ ສ່ວນການກໍ່ສ້າງລະບົບນໍ້າປະປາກຸ່ມບ້ານຢູ່ເມືອງສຳພັນ ແລະ ເມືອງບຸນໃຕ້ ມູນຄ່າ 1.183.178,30 ໂດລາສະຫະລັດ ເຊິ່ງຈະມີຜູ້ໄດ້ຮັບຜົນປະໂຫຍດທັງໝົດ 800 ກວ່າຄອບຄົວ ການອອກແບບລະບົບໂຮງງານບຳບັດນໍ້າໄດ້ຖືກອອກແບບເພື່ອຮອງຮັບການນຳໃຊ້ນໍ້າຂອງປະຊາກອນທີ່ຈະເພີ່ມຂຶ້ນໃນຕໍ່ໜ້າອີກ 15 ປີ ຮອດປີ 2039 ແລະ ລະບົບການແຈກຢາຍນໍ້າແມ່ນ 20 ປີ ໂຄງການດັ່ງກ່າວມີໄລຍະການຈັດຕັ້ງປະຕິບັດສັນຍາ 10 ເດືອນ.
ອ້າຍສົມ ຖ່າຍຮູບພະຍາຍາມຈຶ່ງແດ່ ກ້ອງຖ່າຍໄດ້ຢູ່ ແຕ່ຖ່າຍຟ້າວແບບນີ້ບໍ່ໄດ້ເດີ້ ທັງມືດ ທັງບໍ່ແຈ້ງ ປະສົບການຫຼາຍແລ້ວ ພະຍາຍາມຕື່ມແດ່
ຖ່າຍແລ້ວພະຍາຍາມເປີດເບິ່ງກ່ອນແດ່ ເພາະມັນບໍ່ແມ່ນເຫດການດ່ວນ ຍັງມີເວລາຖ່າຍໃໝ່
ຄົນອື່ນຄືກັນເດີ້ ຖ້າເຫດການບໍ່ຮີບດ່ວນ ຖ່າຍແລ້ວເປີດເບິ່ງກ່ອນແດ່ ບໍ່ໄດ້ກໍຖ່າຍໃໝ່
ຖ້າເປັນແບບນີ້ມັນໃຊ້ບໍ່ໄດ້
ຮູບນີ້ຄືກັນ ເວລາເອົາໂທລະສັບຖ່າຍພະຍາຍາມຢ່າຊູມ ພາບມັນແຕກ ເປັນໄປໄດ້ມຫ້ຍ່າງເຂົ້າໄປຖ່າຍໃກ້ແດ່ກໍໄດ້ເດີ້
ຂ່າວຊາວໝຸ່ມໃຫ້ຊອກຮູບໃໝ່ໃຫ້ແດ່ເດີ ມີແຕ່ຜູ້ຟັງ ເລຂາຊາວໜຸ່ມ ກັບ ທ່ານຖະໜອມ ບໍ່ໄດ້ຈັກໃບ