ທ່າອ່ຽງໃນໄລຍະນີ້ ນອກເໜືອຈາກໜ້າກາກອະນາໄມ ຫຼື ຜ້າອັດປາກສາລະພັດລາຍແລ້ວ ຫຼາຍຄົນອາດຈະເລີ່ມເຫັນຜ້າອັດປາກຄຸມໜ້າ ຫຼື face shield ທີ່ເປັນປຼັສຕິກສວມໃສ່ຫົວ ແລ້ວໃຫ້ສ່ວນຂອງປຼັສຕິກ ໃສ່ຄຸມປິດໃບໜ້າຄືກັບໝວກໃຫຍ່ໆ ການໃຊ້ໜ້າກາກຄຸມໜ້າລັກສະນະນີ້ຊ່ວຍປ້ອງກັນໄວຣັສ ໂຄໂຣນາ 2019 ຫຼື COVID-19 ໄດ້ຫຼາຍໜ້ອຍພຽງໃດ ?.
“ໜ້າກາກຄຸມໜ້າ” (face shield) ປ້ອງກັນ “ໂຄວິດ-19” ໄດ້ ຫຼື ບໍ່?
“ໜ້າກາກຄຸມໜ້າ face shield ເຮົາຈະໃຫ້ບຸຄະລາກອນທາງການແພດ ຈະຕ້ອງໃສ່ທັງໜ້າກາກອະນາໄມ ໂດຍສະເພາະ N95 ແລະ ແວ່ນຕາ goggle ເພື່ອປ້ອງກັນການຕິດໂຣກໃຫ້ສົມບູນ.
“ໃນຄົນປົກກະຕິ ທີ່ມີຂ່າວອອກມາໃຫ້ໃສ່ໜ້າກາກຄຸມໜ້າ face shield ແທນການໃສ່ຜ້າອັດປາກ ຈຶ່ງບໍ່ເປັນອັນສົມຄວນ ເພາະຍັງມີຊ່ອງເຂົ້າສູ່ດັງ ແລະ ປາກ ແລະ ໜ້າຕາ ແຕ່ຖ້າໃຜຈະໃສ່ຜ້າອັດປາກ ແລະ ຄຸມດ້ວຍໜ້າກາກຄຸມໜ້າ face shield ໃນຄົນປົກກະຕິກໍບໍ່ວ່າກັນ ໜ້າກາກຄຸມໜ້າທີ່ໃຊ້ປຼັສຕິກບາງໃສໆ ອ່ອນໄປອ່ອນມາ ຈະຍິ່ງຫຼຸດຄວາມປອດໄພລົງອີກ ແຕ່ຕ້ອງບໍ່ລືມວ່າ ຈະຕ້ອງໃສ່ຜ້າອັດປາກນຳ”.
ໃນຄົນສຸຂະພາບແຂງແຮງດີ ຜ້າອັດປາກຜ້າກໍພຽງພໍໃນການສວມໃສ່ ເມື່ອຈຳເປັນຕ້ອງອອກນອກເຮືອນໃນຄົນທີ່ມີອາການໄຂ້ຫວັດ ໄອ ຈາມ ຄວນເລືອກໃສ່ຜ້າອັດປາກທີ່ຊ່ວຍປ້ອງກັນລະອອງຝອຍນ້ຳ ລາຍຈາກການໄອ ຈາມ ອອກໄປສູ່ຜູ້ອື່ນ ແລະ ໃນໄລຍະຜ້າອັດປາກຂາດແຄນເຊັ່ນນີ້ ຈຶ່ງຂໍຄວາມຮ່ວມມືສະຫງວນໜ້າກາກ N95 ເອົາໄວ້ໃຫ້ບຸຄະລາກອນທາງການແພດໃຊ້ເທົ່ານັ້ນ ທີ່ສຳຄັນອີກຢ່າງໜຶ່ງຄື ການຮັກສາໄລຍະຫ່າງທາງຮ່າງກາຍກັບຄົນອື່ນ ຮັບປະທານອາຫານໃຫ້ຄົບໝູ່ ອອກກຳລັງກາຍຢ່າງສະໝ່ຳສະເໝີ ແລະ ການລ້າງມືເລື້ອຍໆ ເພື່ອຫຼຸດການຕິດເຊື້ອໄວຣັສຈາກມືເຂົ້າປາກ ດັງ ຕາ ເທົ່ານີ້ກໍຈະຊ່ວຍຫຼຸດຄວາມສ່ຽງການຕິດເຊື້ອໄວຣັສໂຄໂຣນາ 2019 ຫຼື ໂຄວິດ-19 ໄດ້.
ຊາວບ້ານ – ນຳສະເໜີ