ທັບນັກກີລາມະຫາວິທະຍາໄລແຫ່ງຊາດ ຫຼື ມຊ ເຈົ້າພາບ ຮຶດສູ້ເງືອກສຸດທ້າຍສາມາດແຊງ ສະຖາບັນກີລາ-ກາຍະກຳ (ສບກ) ຂຶ້ນຄອງເຈົ້າຫຼຽນຄຳໄດ້ສຳເລັດ ຫຼັງຍາດມາໄດ້ທັງໝົດ 25 ຫຼຽນຄຳ 21 ຫຼຽນເງິນ ແລະ 33 ຫຼຽນທອງ ລວມ 79 ຫຼຽນ ເປັນອັນດັບທີ 1 ຂອງຕາຕະລາງສະຫຼຸບຫຼຽນ ຈາກ 14 ພາກສ່ວນເຂົ້າຮ່ວມ ເຖິງແມ່ນວ່າຈະພາດໄປ 2 ຫຼຽນຄຳຈາກກີລາຄວາມຫວັງຢ່າງບານເຕະຍິງ-ຊາຍ ກໍຕາມ ແຕ່ກໍຍັງພຽງພໍທີ່ຈະເປັນເບີໜຶ່ງຂອງງານນີ້.
ການແຂ່ງຂັນຄັ້ງນີ້ ຊີງໄຊ 11 ປະເພດກີລາຄື: ແລ່ນ-ລານ ບານເຕະຊາຍ-ຍິງ ດອກປີກໄກ່ ເທຄວັນໂດ ປັນຈັກສີລັດ ບານສົ່ງໃນຮົ່ມ-ຫາດຊາຍ ບານບ້ວງ ກະຕໍ້ ຢູໂດ ອີ-ສະປອດ ແລະ ເປຕັງ. ປະກອບມີ 104 ລາຍການ ມີຄູເຝິກ ແລະ ນັກກີລາ ເຂົ້າຮ່ວມທັງໝົດ 1.387 ຄົນ ຄະນະຮັບຜິດຊອບ ຄະນະກໍາມະການ ອະນຸກຳມະການ 1.269 ຄົນ.
ຜ່ານການແຂ່ງຂັນຜົນປາກົດວ່າ: ທັບນັກກີລາມະຫາວິທະຍາໄລແຫ່ງຊາດ ສາມາດຄອງເຈົ້າຫຼຽນຄຳໄດ້ອີກຄັ້ງ ຍາດມາໄດ້ 25 ຫຼຽນຄຳ 21 ຫຼຽນເງິນ ແລະ 33 ຫຼຽນທອງ ລວມ 79 ຫຼຽນ ອັນດັບທີ 2 ສະຖາບັນກີລາ-ກາຍະກຳ ຍາດໄດ້ 22 ຫຼຽນຄຳ 22 ຫຼຽນເງິນ ແລະ 12 ຫຼຽນທອງ ລວມ 56 ຫຼຽນ ອັນດັບທີ 3 ວິທະຍາຄານກອງທັບ ຍາດໄດ້ 21 ຫຼຽນຄຳ 13 ຫຼຽນເງິນ ແລະ 11 ຫຼຽນທອງ ລວມ 45 ຫຼຽນ ອັນດັບທີ 4 ວິທະຍາຄານສັນຕິບານປະຊາຊົນ ຍາດໄດ້ 11 ຫຼຽນຄຳ 7 ຫຼຽນເງິນ ແລະ 7 ຫຼຽນທອງ ລວມ 25 ຫຼຽນ ອັນດັບທີ 5 ມະຫາວິທະຍາໄລວິທະຍາສາດສຸຂະພາບ ຍາດໄດ້ 6 ຫຼຽນຄຳ 6 ຫຼຽນເງິນ ແລະ 15 ຫຼຽນທອງ ລວມ 27 ຫຼຽນ ອັນດັບທີ 6 ມະຫາວິທະຍາໄລສະຫວັນນະເຂດ ຍາດໄດ້ 4 ຫຼຽນຄຳ 4 ຫຼຽນເງິນ ແລະ 9 ຫຼຽນທອງ ລວມ 17 ຫຼຽນ ອັນດັບທີ 7 ມະຫາວິທະຍາໄລສຸພານຸວົງ ຍາດໄດ້ 3 ຫຼຽນຄຳ 5 ຫຼຽນເງິນ ແລະ 11 ຫຼຽນທອງ ລວມ 19 ຫຼຽນ ອັນດັບທີ 8 ສະຖາບັນລາວ-ອາເມລິກາ ຍາດໄດ້ 3 ຫຼຽນຄຳ 3 ຫຼຽນເງິນ ແລະ 4 ຫຼຽນທອງ ລວມ 10 ຫຼຽນ ອັນດັບທີ 9 ສະຖາບັນການທະນາຄານ ຍາດໄດ້ 3 ຫຼຽນຄຳ 2 ຫຼຽນເງິນ ແລະ 3 ຫຼຽນທອງ ລວມ 8 ຫຼຽນ ອັນດັບທີ 10 ມະຫາວິທະຍາໄລຈຳປາສັກ ຍາດໄດ້ 2 ຫຼຽນຄຳ 8 ຫຼຽນເງິນ ແລະ 9 ຫຼຽນທອງ ລວມ 19 ຫຼຽນ ອັນດັບທີ 11 ສະຖາບັນຣັຕນະບໍລິຫານທຸລະກິດ ຍາດໄດ້ 2 ຫຼຽນຄຳ 6 ຫຼຽນເງິນ ແລະ 9 ຫຼຽນທອງ ລວມ 17 ຫຼຽນ ອັນດັບທີ 12 ສະຖາບັນເຕັກໂນໂລຊີສຸດສະກະ ຍາດໄດ້ 1 ຫຼຽນຄຳ 5 ຫຼຽນເງິນ ແລະ 3 ຫຼຽນທອງ ລວມ 9 ຫຼຽນ ອັນດັບທີ 13 ສະຖາບັນຍຸຕິທຳແຫ່ງຊາດ ຍາດໄດ້ 1 ຫຼຽນຄຳ 2 ຫຼຽນເງິນ ແລະ 2 ຫຼຽນທອງ ລວມ 5 ຫຼຽນ ອັນດັບທີ 14 ວິທະຍາໄລເຕັກນິກ-ວິຊາຊີບກຽດຕິສັກ ຍາດໄດ້ 1 ຫຼຽນທອງ ລວມ 1 ຫຼຽນ.