ຈາກການແນະນຳຂອງແພດປະຈຳເມືອງ ໃຫ້ທຸກຄົນໃຊ້ເຈວ ໃຊ້ນ້ຳຢາລ້າງມືທີ່ມີເຫຼົ້າເດັດໆປະສົມ ຄື: ເຫຼົ້າແຮງ 70 ອົງສາຂຶ້ນໄປ ເພື່ອຈະສາມາດຂ້າເຊື້ອໂຄວິດ-19 ໄດ້ ດັ່ງນັ້ນ ອາແຈ່ມ ຈຶ່ງເລືອກຊື້ນ້ຳຢາທີ່ມີທາດເຫຼົ້າເດັດໆປະສົມ ເພື່ອໄວ້ໃຊ້ປະຈຳເຮືອນ ແຕ່ປາກົດວ່າມັນໃຊ້ເປືອງຈົນຊິຊື້ນຳບໍ່ທັນ… ກວດບັກໃຫຍ່ໆ ແຕ່ໃຊ້ມື້ດຽວກໍໝົດ ເປັນແບບນີ້ມາໄດ້ເປັນເດືອນເຕັມໆ ອາແຈ່ມ ເລີຍບໍ່ມີປັນຍາຊື້ມາໃຊ້ອີກ ສຸດທ້າຍລາວກໍພົບຄວາມຈິງວ່າ ຝ່າຍຜົວຊື່ຊຽງເລີຍ ເປັນນັກດື່ມລະດັບຄໍທອງແດງຫັ້ນລະ ລັກນ້ຳຢາເຈວປະສົມເຫຼົ້າໄປກ໋ອກ ເຊົ້າ ສວາຍ ບ່າຍ ແລງ ຈົນໝົດ ເພາະລາວບໍ່ມີໂອກາດອອກໄປຊຸມແຊວທາງນອກຄືເກົ່າ.