ລາຍງານຂອງ Deloitte Cyber Smart ຊີ້ແຈງວ່າ ໄພຄຸກຄາມທາງໄຊເບີ ອາດສົ່ງຜົນເຮັດໃຫ້ສູນເສຍ GDP ພາກພື້ນອາຊີ-ປາຊີຟິກເຖິງ 145 ຕື້ໂດລາສະຫະລັດ ໃນທົດສະວັດໜ້າ.
ແຕ່ແນວທາງສ່ວນໃຫຍ່ ທີ່ອົງກອນໃຊ້ໃນການຮັກສາຄວາມປອດໄພທາງໄຊເບີໃນວັນນີ້ ຍັງຄົງເປັນແບບປະຕິກິລິຍາທີ່ສຸມໃສ່ການຕາມຫາໄພຂົ່ມຂູ່ ແລະ ຕ້ອງເປີດເຜີຍຄວາມເຂົ້າໃຈຜິດດ້ານຄວາມປອດໄພ ທີ່ບໍ່ມີຜົນດີຕໍ່ການເຊື່ອມໂຍງຄວາມປອດໄພທາງອິນເຕີເນັດ ກັບຍຸດທະສາດການຄ້າຫຼັກ ໄດ້ແກ່:
1. ການຄິດວ່າຖ້າທ່ານເຂົ້າໃຈທ່າອ່ຽງທີ່ຈະໂຈມຕີ ຈະຊ່ວຍປົກປ້ອງລະບົບດັ່ງກ່າວຢ່າງມີປະສິດທິຜົນ ຫຼື ແກ້ໄຂບັນຫາເມື່ອເກີດເຫດ ຖືວ່າເປັນວິທີການທີ່ຫຼ້າສະໄໝແລ້ວ ອົງກອນຄວນກວດກາຢ່າງຈິງຈັງກ່ຽວກັບສະພາບແວດລ້ອມທັງໝົດ ໂດຍການກຳນົດແອັບ ແລະ ຂໍ້ມູນທີ່ຕ້ອງການການປົກປ້ອງຫຼາຍທີ່ສຸດ ລວມທັງຄວາມເຂົ້າໃຈກ່ຽວກັບວຽກງານເຫຼົ່ານັ້ນ ແລະ ສຸມໃສ່ການປະຕິບັດງານຂອງແອັບພລີເຄຊັ່ນ ໂດຍການຕິດຕາມ ແລະ ເອົາໃຈໃສ່ກັບພຶດຕິກຳການນຳໃຊ້ທີ່ດີ ຫຼາຍກວ່າການນຳໃຊ້ທີ່ບໍ່ດີ
2. ຢຸດຄິດວ່າມັນເປັນໜ້າທີ່ຕົ້ນຕໍຂອງພະແນກໄອທີ ໃນການຄຸ້ມຄອງລະບົບຄວາມປອດໄພ ແລະ ປົກປ້ອງຊັບສິນດິຈິຕອນເທົ່ານັ້ນ ເມື່ອຂໍ້ມູນລະບົບ ແລະ ການນຳໃຊ້ເທົ່ານັ້ນກ່ຽວຂ້ອງກັບທຸກພາກສ່ວນ.
3. ໃນໄລຍະຜ່ານມາ ການປົກປ້ອງພື້ນຖານໂຄງລ່າງ ແມ່ນວິທີການຊ່ວຍເຫຼືອອົງການຈັດຕັ້ງຕ່າງໆໃຫ້ມີຄວາມປອດໄພດີທີ່ສຸດ ແຕ່ປັດຈຸບັນ ເຕັກໂນໂລຊີທີ່ທັນສະໄໝ ບໍ່ວ່າແອັບພລິເຄຊັນ ຈະແຈກຢາຍຢູ່ທົ່ວທຸກລະບົບປະຕິບັດການ ຖ້າຜູ້ບໍລິຫານລະດັບສູງສຸມໃສ່ແຕ່ການປ້ອງກັນພື້ນຖານໂຄງລ່າງເທົ່ານັ້ນ ອາດຈະເປັນຂໍ້ຜິດພາດຢ່າງງ່າຍດາຍ.
4. ໃນຍຸກທີ່ຄວາມປອດໄພທາງອິນເຕີເນັດເປັນສິ່ງສຳຄັນ ຜູ້ບໍລິຫານລະດັບສູງຕ້ອງໄດ້ອະທິບາຍໃຫ້ຄະນະກຳມະການປົກຄອງເຂົ້າໃຈ ຄວາມຕ້ອງການຂອງອົງກອນ ໃນການລົງທືນ ຖ້າອົງການຈັດຕັ້ງຕ່າງໆ ນຳໃຊ້ເຕັກໂນໂລຊີໃໝ່ໆສຳລັບການຮັກສາຄວາມປອດໄພ ຈະມີໂອກາດທີ່ GDP ຈະເຕີບໂຕເຖິງ 145 ຕື້ໂດລາສະຫະລັດ ໃນພາກພື້ນອາຊີ-ປາຊີຟິກໃນ 10 ປີຂ້າງໜ້າ.
5. ຢຸດຄິດວ່າ “ຜູ້ໃຊ້” ແມ່ນຈຸດອ່ອນຂອງລະບົບຄວາມປອດໄພ ເນື່ອງຈາກວ່າໄພຂົ່ມຂູ່ໄດ້ຖືກພັດທະນາຈົນກວ່າພວກເຂົາສາມາດໂຈມຕີ ໂດຍບໍ່ໄດ້ຄາດຫວັງ ສະນັ້ນ ການອອກແບບລະບົບສຳລັບການເຂົ້າເຖິງຂໍ້ມູນ ຫຼື ການນຳໃຊ້ສິ່ງນັ້ນ ຈຳເປັນຕ້ອງມີການກວດສອບຂໍ້ມູນປະຈຳຕົວ ແລະ ຮັບຮອງຄວາມຖືກຕ້ອງຈຶ່ງເປັນສິ່ງສຳຄັນ.
6. ແນວຄິດທີ່ວ່າ ການຮັກສາຄວາມປອດໄພ ເປັນອຸປະສັກຕໍ່ຄວາມຄ່ອງຕົວທາງທຸລະກິດນັ້ນຫຼ້າສະໄໝແລ້ວ ເນື່ອງຈາກໃນປັດຈຸບັນ ການຮັກສາຄວາມປອດໄພເຮັດໄດ້ງ່າຍຂຶ້ນ ໄວຂຶ້ນ ແລະ ມີປະສິດທິພາບຫຼາຍຂຶ້ນ ເຮັດໃຫ້ອົງກອນຕ່າງໆມີໂອກາດໃນການປະດິດສ້າງນະວັດຕະກຳສະເໝີ.