ຊັບພະຍາກອນທຳມະຊາດ ຄືສິ່ງທີ່ມີເກີດຂຶ້ນເອງຕາມທຳມະຊາດ ເຊັ່ນ: ດິນ ນ້ຳ ປ່າໄມ້ ພູ ແຮ່ທາດ ແລະອື່ນໆ ທີ່ມີຢູ່ໃນພື້ນດິນທຸກຢ່າງລ້ວນແຕ່ມີປະໂຫຍດ ດັ່ງນັ້ນ ທຸກຄົນໃນສັງຄົມຈຶ່ງຄວນຮຽນຮູ້ທຳຄວາມເຂົ້າໃຈ ເຖິງປະໂຫຍດຂອງຊັບພະຍາກອນທີ່ສົ່ງຜົນປະໂຫຍດຢ່າງຫຼວງຫຼາຍແກ່ຄົນເຮົາ ເພື່ອຈະໄດ້ພ້ອມກັນເຫັນຄຸນຄ່າ ແລະ ເກີດຄວາມຫວງແຫນ ຫັນມາອະນຸຮັກ ຮັກສາຊັບພະຍາກອນແຕ່ລະຊະນິດ ໃຫ້ມີຄວາມອຸດົມສົມບູນ ແລະ ຍືນຍົງ.
ດິນຖືເປັນຊັບພະຍາກອນທຳມະຊາດທີ່ແຕ່ລະທ້ອງຖິ່ນມີຄືກັນໝົດ ແຕ່ຈະແຕກຕ່າງກັນໃນດ້ານຄຸນນະພາບ ເຊິ່ງບາງທ້ອງຖິ່ນອາດເປັນດິນດຳ ບາງທ້ອງຖິ່ນອາດເປັນດິນໜຽວການໃຊ້ປະໂຫຍດ ຈຶ່ງຕ້ອງຄຳນຶງເຖິງຄວາມເໝາະສົມຂອງດິນແຕ່ລະປະເພດ ເຊິ່ງດິນມີຄວາມສຳຄັນຕໍ່ການດຳລົງຊີວິດຂອງຄົນ ສັດ ແລະ ພືດເພາະເປັນບ່ອນປູກຝັງ ກໍ່ໃຫ້ເກີດຜົນຜະລິດທາງອາຫານໃຫ້ແກ່ຄົນ ແລະ ສັດ ເປັນທີ່ຢູ່ອາໃສຂອງພືດ ແລະ ສັດບາງຊະນິດ ດັ່ງນັ້ນ ພວກເຮົາຈິ່ງຄວນເຫັນຄຸນປະໂຫຍດ ແລະ ພ້ອມກັນປົກປັກຮັກສາດິນໃຫ້ມີຄວາມອຸດົມສົມບູນ.
ນ້ຳກໍເຊັ່ນດຽວກັນ ແຕ່ລະທ້ອງຖິ່ນກໍ່ມີເຊັ່ນດຽວກັນ ແຕ່ອາດຈະມີຈຳນວນໜ້ອຍ ຫຼື ຫຼາຍຕ່າງກັນ ເຊິ່ງນ້ຳມີຄວາມສຳຄັນຕໍ່ການດຳລົງຊີວິດຂອງສິ່ງທີ່ມີຊີວິດ ແລະ ນ້ຳກໍເປັນປັດໄຈສຳຄັນໃນການຜະລິດກະສິກຳ ແລະ ອຸດສາຫະກຳຕ່າງໆໃຊ້ເປັນແຫຼ່ງພະລັງງານຜະລິດກະແສໄຟຟ້າ ດ້ວຍເຫດນີ້ທຸກຄົນຄວນນຳໃຊ້ນ້ຳຢ່າງປະຢັດ ແລະ ຮູ້ຄຸນຄ່າ.
ອາກາດເປັນສິ່ງທີ່ມີຢູ່ທຸກຫົນທຸກແຫ່ງ ຖ້າບໍ່ມີອາກາດສິ່ງທີ່ມີຊີວິດກໍຈະດຳລົງຊີວິດຢູ່ບໍ່ໄດ້ ແຕ່ອາກາດຈະດີ ຫຼື ບໍ່ນັ້ນກໍຂຶ້ນຢູ່ກັບທຳມະຊາດ ຄົນເຮົາມີສ່ວນທີ່ເຮັດໃຫ້ທຳມະຊາດເສຍສົມດຸນ ອາກາດຈຶ່ງປ່ຽນແປງໄປອາກາດມີຄວາມສຳຄັນຕໍ່ການດຳລົງຊີວິດ ເພາະສິ່ງມີຊີວິດຕ່າງໆຕ້ອງການອາກາດໃນການຫາຍໃຈ ຖ້າຂາດອາກາດພຽງແຕ່ໄລຍະເວລາສັ້ນໆກໍຈະເຮັດໃຫ້ສິ່ງມີຊີວິດຕາຍໄດ້ ດັ່ງນັ້ນ ເຮົາຄວນຮັກສາທຳມະຊາດ ເພື່ອໃຫ້ອາກາດດີມີຄຸນຄ່າຕໍ່ມະນຸດເຮົາຕໍ່ໄປ.
ປ່າໄມ້ມີຄວາມສຳຄັນຕໍ່ການດຳລົງຊີວິດຂອງສິ່ງມີຊີວິດ ເພາະເປັນແຫຼ່ງທີ່ຢູ່ອາໃສຂອງສັດປ່າຕ່າງໆ ເປັນແຫຼ່ງຜະລິດອາຫານສະໝຸນໄພ ເປັນແຫຼ່ງຜະລິດໝາກໄມ້ ເຊິ່ງນຳມາໃຊ້ເຮັດສິ່ງຂອງເຄື່ອງໃຊ້ຕ່າງໆ ນອກຈາກນີ້ ປ່າໄມ້ຍັງຊ່ວຍສ້າງສົມດຸນໃຫ້ແກ່ສະພາບແວດລ້ອມ ເຊັ່ນ: ເປັນແຫຼ່ງຕົ້ນນ້ຳລຳທານ ເຮັດໃຫ້ເກີດຄວາມຊຸ່ມຊື່ນປ້ອງກັນການເຈາະເຈື່ອນຂອງໜ້າດິນ ແລະ ຫຼຸດຜ່ອນຄວາມຮ້າຍແຮງຂອງລົມພາຍຸ ແລະ ອື່ນໆ.
ສັດປ່າ ທຸກວັນນີ້ນັບມື້ສັດປ່ານັບຫຼຸດຈຳນວນລົງ ແລະ ອາດຈະສູນພັນໄປໃນອີກບໍ່ດົນນີ້ນັ້ນ ກໍຍ້ອນການກະທຳຂອງມະນຸດເຮົານັ້ນເອງ ເຮົາຄວນອະນຸຮັກສັດປ່າເອົາໄວ້ ເພາະສັດປ່າມີຄວາມສຳຄັນ ໃນດ້ານການຮັກສາສະພາບແວດລ້ອມໃຫ້ມີຄວາມສົມດຸນດ້ານການສຶກສາຊີວິດ ແລະ ທຳມະຊາດຂອງສັດ ດ້ານການທ່ອງທ່ຽວເພື່ອເຊິ່ງອະນຸຮັກ.