ໃນກອງປະຊຸມວຽກວັດທະນະທຳປະຈຳເມືອງ ທ່ານປະທານກອງປະຊຸມໄດ້ອ່ານບົດສະຫຼຸບການເຄື່ອນໄຫວ ທີ່ມີຄວາມຍາວຫຼາຍວາ ພໍຮອດບ່ອນຈຸດດີ ຈຸດອ່ອນ ທ່ານເວົ້າວ່າ ຈຸດດີ: ຄົນບໍ່ຫຼິ້ນກິນຟຸມເຟືອຍຄືເກົ່າ ການຮ້ອງເພງຢູ່ຕາມຮ້ານກໍບໍ່ໃຊ້ສຽງດັງຄຶກໂຄມຄືເກົ່າ ເພາະນັກຮ້ອງມີໜ້າກາກອັດປາກອັດດັງໄວ້ ຜົວເມຍຄ່ອຍເວົ້າຄ່ອຍວ່ານຳກັນ ແມ່ນແຕ່ດ່າກໍໄດ້ຍິນສຽງຄ່ອຍໆ ບໍ່ລົບກວນຄົນເຮືອນຂ້າງ ເພາະມີໜ້າກາກອັດປາກໄວ້ ການຟ້ອນ-ລຳຂອງບ່າວໆສາວໆ ກໍບໍ່ມີຈັງຫວະສະໂລຄືເກົ່າ ເພາະຕ້ອງໄດ້ຢູ່ຫ່າງກັນ 2 ແມັດ ຈຸດອ່ອນ: ທາງເມືອງຂາດລາຍຮັບຈາກຮ້ານອາຫານ ຮ້ານຂາຍເຫຼົ້າຂາຍເບຍ ເພາະວ່າພາກັນປິດໝົດ ເວລາປວດເສັ້ນປວດເອັນກໍບໍ່ມີບ່ອນນວດຄືເກົ່າແລ້ວ… ອັກໂກຍ! ຈັ່ງແມ່ນຊາດ!.
ໂດຍ: ບ່າວກະບື