ສາວເຕີ່ງ ເປັນແພດປະຈຳບ້ານ ທີ່ເຮັດໜ້າທີ່ໂຄສະນາປຸກລະດົມກ່ຽວກັບໂຄງການລູກຫ່າງ ນາງເປັນພະນັກງານຫ້າວຫັນ ເລາະຂຶ້ນເຮືອນໃຕ້ ລົງເຮືອນເໜືອໃຫ້ຄຳປຶກສາຫາລື ສຳລັບຜູ້ຕ້ອງການມີລູກຫ່າງໆ ກໍຄື ຜູ້ທີ່ຍັງບໍ່ທັນເຂົ້າໃຈກ່ຽວກັບຄວາມສຳຄັນຂອງໂຄງການ ແຕ່ໃນສາມ-ສີ່ເດືອນຜ່ານມານີ້ ສາວເຕີ່ງ ຜັດຢູ່ແຕ່ເຮືອນບໍ່ໄປໃສມາໃສຄືເກົ່າ ເມື່ອມີຜູ້ຖາມຫາສາເຫດນາງກໍເວົ້າສີໜ້າເສົ້າໆວ່າ:
“ເຮົາອາດຕົກງານ ເພາະພະຍາດໂຄວິດ-19 ເຮັດໃຫ້ພວກຜົວ-ເມຍ ທັງຫຼາຍນອນຫ່າງກັນ 2 ແມັດ ພໍແຮງແລ້ວ… ພວກເຂົາບໍ່ຕ້ອງການເຮົາແນະນຳເລື່ອງເອົາລູກຫ່າງອີກຕໍ່ໄປແລ້ວ !.
ໂດຍ: ບ່າວກະບື