ເຄີຍຮູ້ສຶກບໍ່ ວ່າຢູ່ດີໆໃຈມັນສັ່ນວູບໆ ແຖມຍັງມີອາການແໜ້ນເອິກເກີດຂຶ້ນ (ທັງທີ່ບໍ່ໄດ້ມີເຫດການ ຫຼືສິ່ງທີ່ເປັນຕາໜ້າຕື່ນເຕັ້ນເລີຍ) ເຊິ່ງນີ້ອາດຈະເປັນສັນຍານເຕືອນວ່າ ຫົວໃຈທ່ານກຳລັງມີລະບົບການເຕັ້ນທີ່ຜິດປົກກະຕິຢູ່ກໍໄດ້.
ຫຼາຍຄົນອາດຈະຄິດວ່າມັນເປັນເລື່ອງໄກຕົວທີ່ບໍ່ຄ່ອຍຈະສົນໃຈ ຫຼືເອົາໃຈໃສ່ກັບເລື່ອງແບບນີ້ຫຼາຍປານໃດ ແຕ່ຂໍບອກວ່າອາການຂອງມັນອາດຮ້າຍແຮງເຖິງຂັ້ນເສຍຊີວິດ ໄດ້ສາມາດເກີດຂຶ້ນກັບທຸກເພດທຸກໄວ ແລະ ຄົນທີ່ເປັນກໍຈະບໍ່ຮູ້ຕົວນຳອີກ ສະນັ້ນ ການຊອກຫາຂໍ້ມູນທີ່ຈະຊ່ວຍໃຫ້ຄວາມຮູ້ເພີ່ມຕື່ມກ່ຽວກັບພະຍາດ ອາດເກີດຂຶ້ນຍ້ອນການເຕັ້ນຜິດປົກກະຕິຂອງຫົວໃຈ.
ແບບໃດຈຶ່ງເອີ້ນວ່າຫົວໃຈເຕັ້ນຜິດປົກກະຕິ: ໂດຍປົກກະຕິແລ້ວຫົວໃຈຂອງຄົນເຮົາຈະເຕັ້ນຢູ່ທີ່ປະມານ 60-80 ເທື່ອຕໍ່ນາທີ ແຕ່ຖ້າເປັນພະຍາດຫົວໃຈການເຕັ້ນຜິດປົກກະຕິ ຄື: ຫົວໃຈເຕັ້ນຊ້າ ຫຼືໄວເກີນໄປ ໂດຍຈະໜ້ອຍກວ່າ 60 ເທື່ອຕໍ່ນາທີ ແລະ ຫຼາຍກວ່າ 100 ເທື່ອຕໍ່ນາທີ ເຊິ່ງຈະພົບໃນເພດຍິງຫຼາຍກວ່າເພດຊາຍ ແລະ ສາມາດເກີດຂຶ້ນໄດ້ກັບທຸກອາຍຸຄົນ.
ຫົວໃຈເຕັ້ນຜິດປົກກະຕິມີຈັກຊະນິດ: ຫົວໃຈເຕັ້ນຜິດປົກກະຕິແມ່ນບໍ່ຕ່ຳກວ່າ 10 ຊະນິດ ເຊິ່ງແຕ່ລະຊະນິດກໍມີກົນໄກການເກີດສາເຫດການເກີດອາການ ແລະ ວິທີການປິ່ນປົວທີ່ແຕກຕ່າງກັນໄປ ລວມເຖິງການບົ່ງບອກພະຍາດທີ່ແຕກຕ່າງກັນອີກ ໂດຍທົ່ວໄປການເຕັ້ນຂອງຫົວໃຈທີ່ຜິດປົກກະຕິມີ 3 ຊະນິດ ຄື: ຫົວໃຈເຕັ້ນຊ້າເກີນໄປ: ເຕັ້ນໜ້ອຍກວ່າ 60 ເທື່ອຕໍ່ນາທີ ແມ່ນຮ່າງກາຍໄດ້ຮັບເລືອດເຂົ້າໄປບໍ່ພຽງພໍ ຫົວໃຈເຕັ້ນໄວແຕ່ບໍ່ຮຸນແຮງຫຼາຍ: ເຕັ້ນຫຼາຍກວ່າ 100 ເທື່ອຕໍ່ນາທີ ຫຼືອາດເຖິງ 210 ເທື່ອຕໍ່ນາທີ ແລະ ຈະມີອາການໃຈສັ່ນ ເມື່ອຍ ຫົວໃຈເຕັ້ນໄວ ຫຼືແຮງຫົວໃຈເຕັ້ນໄວ ແລະ ຮຸນແຮງຫຼາຍຂຶ້ນ: ເຕັ້ນ 350 ເທື່ອຕໍ່ນາທີ ໂດຍຈະມີອາການໝົດສະຕິ ຫົວໃຈຢຸດເຕັ້ນ ແລະ ເສຍຊີວິດແບບກະທັນຫັນ.