ວັນທີ 3 ສິງຫາ 2022 ທີ່ອົງການໄອຍະການປະຊາຊົນສູງສຸດ ໄດ້ມີພິທີລົງນາມບົດບັນທຶກການກຳນົດກົນໄກປະສານງານໃນການຈັດຕັ້ງປະຕິບັດບົດບັນທຶກຮ່ວມ 4 ພາກສ່ວນ ກ່ຽວກັບການດໍາເນີນຄະດີຕາມຂະບວນຍຸຕິທໍາ ຄັ້ງທີ VI ໂດຍການລົງນາມລະຫວ່າງທ່ານນາງ ວຽງທອງ ສີພັນດອນ ປະທານສານປະຊາຊົນສູງສຸດ ແລະ ທ່ານ ໄຊຊະນະ ໂຄດພູທອນ ຫົວໜ້າອົງການໄອຍະການປະຊາຊົນສູງສຸດ ມີຮອງຫົວໜ້າອົງການໄອຍະການປະຊາຊົນສູງສຸດ ຮອງປະທານສານປະຊາຊົນສູງສຸດ ບັນດາຫົວໜ້າກົມ ຫ້ອງການ ຄະນະປະສານງານ ແລະ ພະນັກງາານຫຼັກແຫຼ່ງທັງສອງຝ່າຍເຂົ້າຮ່ວມ.
ການລົງນາມບົດບັນທຶກຮ່ວມສະບັບນີ້ ເປັນການຈັດຕັ້ງຜັນຂະຫຍາຍບົດບັນທຶກຮ່ວມ 4 ພາກສ່ວນ ເຂົ້າສູ່ໜ້າວຽກຕົວຈິງ ກ່ຽວກັບການສັ່ງຟ້ອງ ການຕັດສິນ ພິພາກສາຄະດີອາຍາ ແລະ ການຕິດຕາມກວດກາ ແລະ ການຕັດສິນພິພາກສາຄະດີທາງແພ່ງ ເພື່ອໃຫ້ການດຳເນີນຄະດີຂອງອົງການໄອຍະການປະຊາຊົນ ແລະ ສານປະຊາຊົນມີຄວາມເປັນເອກະພາບ ໂປ່ງໃສ ວ່ອງໄວ ຖືກຕ້ອງ ແລະ ຮັບປະກັນຄວາມຍຸຕິທໍາໃນສັງຄົມ ແນໃສ່ສະກັດກັ້ນປາກົດການຫຍໍ້ທໍ້ທີ່ເກີດຂຶ້ນໃນການດໍາເນີນຄະດີ ປົກປ້ອງສິດ ແລະ ຜົນປະໂຫຍດຂອງລັດ ສັງຄົມ ແລະ ບຸກຄົນ ເຮັດໃຫ້ສັງຄົມມີຄວາມສະຫງົບ ຍຸຕິທຳຕາມທິດສ້າງລັດທີ່ປົກຄອງດ້ວຍກົດໝາຍຢ່າງສັກສິດ.
# ຂ່າວ – ພາບ : ຂັນທະວີ