ພິທີເຊັນສັນຍາການຮ່ວມມືໃຫ້ບໍລິການ ການຊຳລະຄ່າບໍລິການຕ່າງໆຂອງບໍລິສັດ ອີທີແອລ (ETL) ຈັດຂຶ້ນວັນທີ 27 ພຶດສະພາ 2020 ຢູ່ສຳນັກງານໃຫຍ່ທະນາຄານ ເອສທີ (STB) ລະຫວ່າງທ່ານ ຮວງສູຢຸນ ຜູ້ອຳນວຍການໃຫຍ່ ບໍລິສັດ ອີທີແອລ ຈຳກັດ ແລະ ທ່ານ ຈິຣັດຊະຍຸດ ອຳຍົງ ຜູ້ອຳນວຍການໃຫຍ່ ທະນາຄານ ເອສທີ ຈຳກັດ ໂດຍມີຜູ້ບໍລິຫານຂອງທັງສອງຝ່າຍ ພ້ອມຄະນະ ແລະ ບັນດາສື່ມວນຊົນ ເຂົ້າຮ່ວມເປັນສັກຂີພິຍານ.
ການຮ່ວມມືເຊັນສັນຍາຄັ້ງນີ້ ແມ່ນເພື່ອເປັນການອຳນວຍຄວາມສະດວກໃຫ້ແກ່ລູກຄ້າຂອງອີທີແອລ ແລະ ທະນາຄານ ເອສທີ ທີ່ຈະໄດ້ຮັບການບໍລິການສະດວກສະບາຍຂຶ້ນ ເຊິ່ງການບໍລິການຫຼັກມີຄື: ການຮັບຊຳລະຄ່າບໍລິການໂທລະສັບຕັ້ງໂຕະ ລາຍເດືອນ ອິນເຕີເນັດ ສາຍເຊົ່າພາຍໃນ ແລະ ຕ່າງປະເທດ ພ້ອມດຽວກັນນັ້ນ ລູກຄ້າກໍຍັງສາມາດຕື່ມມູນຄ່າໂທໃຫ້ເບີຕື່ມເງິນ ໂດຍຜ່ານທຸກຊ່ອງທາງຂອງທະນາຄານ STB ໄດ້ທຸກສາຂາທົ່ວປະເທດ.
# ຂ່າວ & ພາບ: ສີພອນ