ອາວເລິງ ເປັນນາຍທະຫານຂັ້ນຮ້ອຍເອກ ອາວມີລູກຊາຍສອງຄົນ ທີ່ມີອາຍຸຫ່າງກັນຫຼາຍ ຜູ້ກົກຊື່ ແປ້ນ ເປັນບ່າວແລ້ວ ສ່ວນລູກຊາຍຫຼ້າຊື່ ໂຕ່ນ ນັ້ນ ອາຍຸພຽງ 3 ປີເທົ່ານັ້ນ ຢູ່ມາຄ່ຳວັນໜຶ່ງ ລູກຊາຍກົກອອກໄປຢືນລົມຜູ້ສາວຢູ່ກ້ອງຕົ້ນຂາມແຄມວັດ ພໍຮູ້ເລື້ອງ ຝ່າຍນ້ອງຊາຍຫຼ້າ ອາຍຸ 3 ປີ ກໍຈອບໆໄປບັງຕ້າຍວັດ ເພື່ອຟັງຜູ້ເປັນອ້າຍລົມສາວ ສຽງຂອງອ້າຍທີ່ລອດອອກຕອນໜຶ່ງເວົ້າວ່າ: “ອ້າຍຮັກນ້ອງສຸດສະຫວາດຂາດໃຈ…ນ້ອງຕ້ອງການຫຍັງ ອ້າຍຊິຊອກມາໃຫ້ ຢາກໄດ້ດາວອ້າຍກໍຊິຊອກມາໃຫ້ນ້ອງຈົນໄດ້” ພໍໄດ້ຍິນແນວນັ້ນ ທ້າວນ້ອຍກໍແລ່ນລິວໄປຫາພໍ່ທີ່ພວມເບິ່ງລາຍການໂທລະພາບ ແລະ ເວົ້າຂຶ້ນວ່າ:
“ພໍ່ໆ ໃຫ້ພໍ່ລະວັງດາວຂອງອີ່ພໍ່ໃຫ້ດີເນີ ລູກໄດ້ຍິນອ້າຍແປ້ນວ່າຊິຊອກດາວໄປໃຫ້ຜູ້ສາວລາວ… ລະວັງດາວອີ່ພໍ່ເສຍເນີ”.
ໂດຍ: ບ່າວກະບື