ໂຈນປຸ້ນທະນາຄານຖືກເຈົ້າໜ້າທີ່ຕຳຫຼວດຈັບໄດ້ຄາໜັງຄາເຂົາ ໃນເວລາເຮັດການສອບສວນນັ້ນ ເຈົ້າໜ້າທີ່ຕຳຫຼວດໄດ້ເວົ້າຂຶ້ນວ່າ: “ເຈົ້າກໍໂພດລື່ນບ້ານລື່ນເມືອງ… ຂະໜາດວ່າກາງເວັນແດດທ່ຽງຟ້າ ເຈົ້າກໍຍັງເຮັດໜ້າດ້ານໄປປຸ້ນໄປລັກ… ປຸ້ນບ່ອນອື່ນກໍບໍ່ປຸ້ນ ເສືອກໄປປຸ້ນທະນາຄານ ບອກມາເບິ່ງເປັນຫຍັງຈຶ່ງເຮັດແນວນັ້ນ ?” ຝ່າຍໂຈນຕອບວ່າ: “ທີ່ເຮົາຕ້ອງປຸ້ນຕອນກາງເວັນແດດທ່ຽງຟ້າ ກໍເພາະມັນມີແສງສະຫວ່າງ ແນມເຫັນບ່ອນປຸ້ນດີ ແລະ ທີ່ປຸ້ນທະນາຄານ ກໍເພາະວ່າທະນາຄານມີເງິນຫຼາຍກວ່າຢູ່ເຮືອນຄົນທຳມະດາ”.
ໂດຍ: ບ່າວກະບື