ເມືອງນາຊາຍທອງ ນະຄອນຫຼວງວຽງຈັນ ຈັດການແຂ່ງຂັນກີລາບານເຕະ ລຸ້ນຊາວໜຸ່ມ ຄັ້ງທີ 19 ແລະ ລຸ້ນອາວຸໂສຄັ້ງທີ 1 ຊີງຂັນທ່ານເຈົ້າເມືອງນາຊາຍທອງ ປະຈຳປີ 2022 ເຊິ່ງໄດ້ຂຶ້ນໃນວັນທີ 11 ພຶດສະພາ 2022 ເຊິ່ງມີນັກກີລາເຂົ້າຮ່ວມເຖິງ 26 ທີມ ອາວຸໂສ 6 ທີມ.
ຈຸດປະສົງແມ່ນເພື່ອການສ້າງຂະບວນການຄຳນັບຮັບຕ້ອນວັນສໍາຄັນທາງດ້ານປະຫວັດ ຂອງຊາດຂອງພັກ ໃຫ້ ມີບັນຍາກາດ ແລະ ເປັນຂະບວນການ ຢ່າງຟົດຟື້ນ ເປັນການສ້າງຂະ ບວນການເພື່ອພົບປະຮັດແໜ້ນຄວາມສາມັກຄີ ລະຫວ່າງ ຊາວໜຸ່ມ ອາວຸໂສ ຈາກສໍານັກງານ -ຫ້ອງການ ກົມກອງ ກຸ່ມບ້ານ ບ້ານ ພາກສ່ວນທຸລະກິດ-ບໍລິສັດ ວິສາຫະກິດພາຍໃນເມືອງ ນາຊາຍທອງ ແລະ ເພື່ອເຮັດໃຫ້ຊາວໜຸ່ມ-ໄວໜຸ່ມຫັນມາຫຼິ້ນກີລາໃຫ້ນັບມື້ນັບຫຼາຍ ແລະ ຫ່າງໄກຈາກສິ່ງເສບຕິດ.
ເຂົ້າຮ່ວມໃນພິທີຄັ້ງນີ້ມີ ທ່ານ ວຽງຄຳ ສີຫາໂຄດ ເຈົ້າເມືອງ ເມືອງນາຊາຍທອງ ມີຮອງເຈົ້າເມືອງ ຕາງໜ້າ 3 ແງການຈັດຕັ້ງມະຫາຊົນ ຫ້ອງການ ພາກທຸລະກິດ ແລະ ນັກກີລາຈາກພາກສ່ວນຕ່າງໆ.
ສຳລັບລາງວັນຂອງການແຂ່ງຂັນປະກອບມີ: ລຸ້ນຊາວໜຸ່ມ ລາງວັນທີ 1 ເງິນສົດ 3 ລ້ານກີບ ພ້ອມຂັນ 1 ໜ່ວຍ ລາງວັນທີ 2 ເງິນສົດ 2 ລ້ານກີບ ພ້ອມຂັນ 1 ໜ່ວຍ ລາງວັນທີ 3 ເງິນສົດ 1 ລ້ານກີບ ພ້ອມຂັນ 1 ໜ່ວຍ ລາງວັນທີ 4 ເງິນສົດ 8 ແສນກີບ ສ່ວນລຸ້ນອາວຸໂສ ລາງວັນທີ 1 ເງິນສົດ 2 ລ້ານກີບ ພ້ອມຂັນ 1 ໜ່ວຍ ລາງວັນທີ 2 ເງິນສົດ 1,5 ລ້ານກີບ ພ້ອມຂັນ 1 ໜ່ວຍ ລາງວັນທີ 3 ເງິນສົດ 1 ລ້ານກີບ ພ້ອມຂັນ 1 ໜ່ວຍ ສ່ວນລາງວັນທີ 4 ເງິນສົດ 8 ແສນກີບ.