ທ່ານນາງ ມະນີວອນ ວົງສຸລິ ນາຍບ້ານໂພນສະຫວາດໃຕ້ ໃຫ້ສຳພາດວັນທີ 19 ພຶດສະພາ 2020 ວ່າ ປັດຈຸບັນ ບ້ານໂພນສະຫວາດໃຕ້ ມີຜູ້ເປັນພະຍາດໄຂ້ຍຸງລາຍ 1 ກໍລະນີ ທຽບໃສ່ປີຜ່ານມາແມ່ນເພີ່ມຂຶ້ນ ເມື່ອເກີດມີກໍລະນີຕິດເຊື້ອ ຫ້ອງການສາທາລະນະສຸກເມືອງ ສົມທົບ ອສບ ໄດ້ລົງກວດຫາໜອນນ້ຳຍຸງລາຍຢູ່ບໍລິເວນທີ່ມີຜູ້ຕິດເຊື້ອ ໃນລັດສະໝີ 100 ແມັດ ຜ່ານການລົງກວດກາແມ່ນບໍ່ພົບໜອນນ້ຳຍຸງລາຍ ແລະ ຍັງມີປະຊາຊົນຈຳນວນໜຶ່ງບໍ່ຢາກໃຫ້ການຮ່ວມມື ພ້ອມດຽວກັນນີ້ ອຳນາດການປົກຄອງບ້ານ ກໍມີການສຶກສາອົບຮົມໃຫ້ແກ່ປະຊາຊົນ ໂດຍສະເພາະຜູ້ທີ່ບໍ່ຢາກໃຫ້ການຮ່ວມມືກັບ ອສບ ໃນການກວດຫາໜອນນ້ຳຍຸງລາຍໃຫ້ຮັບຮູ້ ແລະ ເຂົ້າໃຈເຖິງຜົນຮ້ານຂອງພະຍາດໄຂ້ຍຸງລາຍ ຜ່ານການສຶກສາອົບ ປັດຈຸບັນເຫັນວ່າປະຊາຊົນໄດ້ໃຫ້ການຮ່ວມມືເປັນຢ່າງດີ.
# ຂ່າວ & ພາບ: ອົ່ນ