ເຊົ້າໜຶ່ງໃນມື້ບຸນປີໃໝ່ລາວ ຈານປື່ງບັງເອີນແນມເຫັນໂຈນ ພວມພະຍາຍາມແທງກຸນແຈຜີ ເພື່ອລັກເອົາລົດຈັກຄັນຈີກຊອງຂອງລາວໄປ ດ້ວຍສັນຊາດຕະຍານອັດຕະໂນມັດ ຈານປື່ງ ໄດ້ຄວ້າເອົາປືນນ້ຳສີມືດໆຂອງລູກຊາຍຫຼ້າ ແລ້ວຈີ້ໃສ່ໂຈນ ທັງເປັ່ງສຽງອອກມາວ່າ:
“ຢຸດ ຖ້າບໍ່ຢາກຕາຍໃຫ້ຍົກມືຂຶ້ນ… ເຫັນບໍນິກູມີປືນໃດ໋ !” ຝ່າຍໂຈນຕົກໃຈ ແລະ ຢ້ານຈົນຕົວສັ່ນ ພ້ອມທັງຍົກມືຂຶ້ນ ພໍດີເວລານັ້ນລູກຊາຍຫຼ້າອາຍຸ 3 ປີຂອງຈານປື່ງມາເຫັນເຫດການ ຈຶ່ງຮ້ອງໃສ່ຜູ້ເປັນພໍ່ວ່າ:
“ພໍ່ໆ ປືນຫັ້ນບໍ່ມີນ້ຳເທື່ອໃດ… ພໍ່ຕ້ອງໃສ່ນ້ຳກ່ອນຈິ່ງຍິງ !”.
ໂດຍ: ບ່າວກະບື