ວັນທີ 15 ມີນາ ປີ 2022 ນີ້ ໜ່ວຍແມ່ຍິງໂຄສະນາ ໄດ້ເປີດກອງປະຊຸມສະຫຼຸບຖອດຖອນບົດຮຽນວຽກງານຮອບດ້ານໃນໄລຍະ 3 ປີ ຜ່ານມາ ແລະ ວາງທິດທາງໃນຊຸມປີຕໍ່ໜ້າ ພາຍໃຕ້ການເປັນປະທານຂອງສະຫາຍ ຮ້ອຍເອກ ນາງແສງພອນ ວົງສຸກ ຮອງພະແນກສະຫະພັນແມ່ຍິງ ວິທະຍາຄານກົມມະດຳ ເປັນກຽດເຂົ້າຮ່ວມຂອງສະຫາຍ ພັນໂທ ບຸນໂຮມ ມິ່ງນະຄອນ ຮອງຫ້ອງການເມືອງ ວິທະຍາຄານ ມີບັນດາພະແນກການ ໜ່ວຍອ້ອມຂ້າງ ແລະ ເອື້ອຍນ້ອງແມ່ຍິງເຂົ້າຮ່ວມ.
ສະຫາຍ ພັນຕີ ນາງ ລຳພອນ ທິບພະຈັນ ເລຂາໜ່ວຍສະຫະພັນແມ່ຍິງ ໄດ້ຂື້ນຜ່ານບົດສະຫຼຸບ ຕີລາຄາຄືນຜົນງານນການຈັດຕັ້ງນຳພາວຽກງານໃນໄລຍະ 3 ປີ ຜ່ານມາ ເຊິ່ງໄດ້ຍົກໃຫ້ເຫັນການຊີ້ນຳ-ນຳພາຂອງຄະນະໜ່ວຍທຸກຂັ້ນ ເອົາໃຈໃສ່ສຶກສາອົບຮົມວຽກງານການເມືອງ-ນຳພາແນວຄິດ ໃຫ້ເອື້ອຍນ້ອງແມ່ຍິງພາຍໃນໜ່ວຍໃຫ້ມີຄວາມອຸ່ນອ່ຽນ ທຸ່ນທ່ຽງຕໍ່ໜ້າທີ່ວຽກງານວີຊາສະເພາະຂອງຕົນ ຜ່ານການເຄື່ອນໄຫວໄລຍະ 3 ປີຜ່ານມາ ສາມາດຍາດໄດ້ຜົນງານຄື: ວຽກງານບໍລິຫານ: ອອກແຮງງານອ້ອມຄ້າຍຕາມພະແນກສະຫະພັນໄດ້ 120 ຄັ້ງ ເຂົ້າຮ່ວມກອງປະຊຸມເຊື່ອມຊືມ ແລະ ຮັບຟຟັງປາຖະກະຖາວັນປະຫວັດສາດຕ່າງໆໄດ້ 41 ຄັ້ງ ເຂົ້າຮ່ວມຂະບວນການສິລະປະ-ວັນນະຄະດີ 11 ຄັ້ງ ຕິດຄຳຂວັນ-ປັກທຸງປີວ 310 ຄັ້ງ ເຄົາລົບທຸງໂຮງຮຽນ 20 ຄັ້ງ,ວຽກງານໂຄສະນາອົບຮົມ ອ່ານຂ່າວພາຍໃນ 549 ຂ່າວ ສົ່ງຂ່າວໃຫ້ຂັ້ນເທິງ 549 ຂ່າວ ຈາກຜົນງານດັ່ງກ່າວ ສາມາດຍາດຄັດເລືອກໄດ້ແມ່ຍິງ 3 ດີ 25 ສະຫາຍ ພົນລະເມືອງດີ 25 ສະຫາຍ ແມ່ຍິງ 3 ດີປະເພດ 1 ມີ 19 ສະຫາຍ ແມ່ຍິງ 2 ດີປະເພດ 2 ມີ 5 ສະຫາຍ ວຽກງານແກ້ໄຂຊີວີດການເປັນຢູ່ ແມ່ນໄດ້ຊຸກຍູ້ພະນັກງານ-ນັກຮົບ ຫັນເອົາການປູກຝັງ ລ້ຽງສັດ ຕ່ຳຫູກ-ທໍໄໝ ຊອກຫາແຫຼ່ງລາຍຮັບເຂົ້າໃນໜ່ວຍ ເຊີ່ງສາມາດສ້າງລາຍຮັບໄດ້ທັງໝົດ: 4.250.000 ກີບ. ຈາກນັ້ນ ກອງປະຊຸມໄດ້ໃຊ້ສິດປ່ອນບັດຄັດເລືອກເອົາຄະນະໜ່ວຍຊຸດໃໝ່ໄດ້ຕາມຄາດໝາຍ.
ໂອກາດດັ່ງກ່າວ ຮອງຫ້ອງການເມືອງ ໄດ້ຮຽກຮ້ອງມາຍັງຄະນະໜ່ວຍຊຸດໃໝ່ ຈົ່ງເພີ່ມທະວີວຽກງານສຶກສາອົບຮົບຮົມການເມືອງ ນຳພາແນວຄິດ ເປັນບັນຫາສຳຄັນ ຮັບປະກັນໃຫ້ໄດ້ດ້ານວຽກງານວິຊາສະເພາະຕາມການຈັດຕັ້ງຂັ້ນເທີງມອບໜາຍໃຫ້ ເພື່ອນຳພາສະມາຊິກແມ່ຍິງພາຍໃນໜ່ວຍຂອງຕົນຊອກແຫຼ່ງຮັບເຂົ້າກົມກອງ ເພື່ອແກ້ໄຂຊີວິດການເປັນຢູ່ ໂດຍປະຕິບັດຕາມຄຄຳຂັວນ 4 ປູກ 4 ລ້ຽງ ທີ່ຂັ້ນເທິງວາງອອກ.
# ຂ່າວ-ພາບ: ເຟື້ອຍ ສາຍຄຳ.