ພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ນະຄອນຫຼວງວຽງຈັນ ແລະ ຫ້ອງວ່າການປົກຄອງເມືອງສີໂຄຄດຕະບອງ ຈັດກິດຈະກຳເຕະບານເພື່ອສ້າງຂະບວນຄຳນັບຮັບຕ້ອນວັນສ້າງຕັ້ງພັກ ປະຊາຊົນປະຕິວັດລາວ ຄົບຮອບ 67 ປີ (22/3/1955-22/3/2022) ທັງເປັນການສ້າງຄວາມຮັດແໜ້ນຄວາມສາມັກຄີຂອງທັງສອງຝ່າຍ.
ກິດຈະກຳດັ່ງກ່າວ ຈັດຂຶ້ນຢູ່ເດີ່ນກີລາບານເຕະ ມາຍເວ (ບ້ານໜອງບຶກໃຕ້) ເຊິ່ງກິດຈະກຳຄັ້ງນີ້ ທາງໂຮງແຮມ ເດິແກຣນ ໄລອອນ ຈຳກັດຜູ້ດຽວ ໄດ້ມອບຊຸດກີລາໃຫ້ນັກກີລາຊາວໜຸ່ມພະແນກ ຖວທ ນວ ມອບໂດຍ ທ່ານ ນັນທະສັກ ບຸນທະລາ ຜູ້ຈັດການໂຮງແຮມ ເດິແກຣນ ໄລອອນ ຈຳກັດຜູ້ດຽວ ແລະ ຮັບໂດຍ ທ່ານ ສາລີ ນັນທະວົງ ຫົວໜ້າຂະແໜງວັດທະນະທຳ ເຊິ່ງມີທ່ານ ອິນປອງ ພຸມມາ ຮອງເຈົ້າເມືອງພ້ອມນັກກີລາທັງສອງຝ່າຍເຂົ້າຮ່ວມ.