ອາການອ່ອນເພຍຊຳເຮື້ອ ຫຼື ພາວະອ່ອນເພຍທາງອາລົມ ເຊິ່ງເປັນອາການຂອງຄົນໃນໄວເຮັດວຽກຫຼາຍທີ່ສຸດ ໂດຍສາມາດສັງເກດເຫັນພາວະດັ່ງກ່າວໄດ້ດ້ວຍ 3 ໄລຍະດັ່ງຕໍ່ໄປນີ້ ຖ້າມີອາການເມື່ອຍງ່າຍເລື້ອຍໆ ໄລຍະທຳອິດ: ມີອາການອ່ອນເພຍຊຳເຮື້ອ ບໍ່ມີແຮງ ແລະ ເມື່ອຍງ່າຍກວ່າປົກກະຕິໂດຍບໍ່ຮູ້ສາເຫດ ຫຼື ອາການເຈັບປ່ວຍທີ່ເຫັນໄດ້ຈະແຈ້ງ.
ໄລຍະປານກາງ: ຂີ້ຫຼົງຂີ້ລືມເລື້ອຍໆ ກໍລະນີທີ່ມີອາຍຸຕ່ຳກວ່າ 50 ປີ ໂດຍມີອາການຫຼົງລືມສິ່ງສຳຄັນຕ່າງໆ ໄດ້ແກ່: ກຸນແຈເຮືອນ ກະເປົາເງິນ ຫຼື ໂທລະສັບມືຖືທີ່ໃຊ້ໃນກິດຈະວັດປະຈຳວັນເລື້ອຍໆນັ້ນ ຖືເປັນເລື່ອງຜິດປົກກະຕິ ສ່ວນອາການທາງຮ່າງກາຍ ເຊັ່ນ: ເຈັບໜ້າເອິກ ຮູ້ສຶກວ່າຫົວໃຈເຕັ້ນໄວຜິດປົກກະຕິ ຫາຍໃຈບໍ່ທົ່ວທ້ອງ ເຈັບຫົວ ປວດຮາກ ແຕ່ບໍ່ສາມາດກວດຫາສາເຫດໄດ້.
ໄລຍະຮ້າຍແຮງ: ລະບົບພູມຕ້ານທານອ່ອນແອ ເມື່ອມີອາການໃນໄລຍະທຳອິດ ແລະ ກາງຕິດຕໍ່ກັນຫຼາຍກວ່າ 1 ເດືອນ ຮ່າງກາຍຈະເລີ່ມສະແດງອອກທາງລະບົບພູມຕ້ານທານທີ່ອ່ອນແອ ເຊັ່ນ: ເປັນຫວັດງ່າຍ ແລະ ເປັນບາດແຜແລ້ວນານເຊົາ ນອກຈາກນີ້ຍັງມີອາລົມໃນທາງລົບຢ່າງເຫັນໄດ້ແຈ້ງ ບໍ່ວ່າຈະເປັນຊຶມເສົ້າ ມີການເກັບຕົວຢູ່ຄົນດຽວ ອາລົມຫງຸດຫງິດງ່າຍ ຫຼື ເລີ່ມຫາທາງອອກດ້ວຍການໃຊ້ຢາເສບຕິດ ໄດ້ແກ່: ຢາສູບ ເຄື່ອງດື່ມແອລກໍຮໍ ແລະ ສານເສບຕິດຊະນິດອື່ນໆ.
ພະຍາຍາມວາງແຜນໃນການເຮັດວຽກ ແລະ ການໃຊ້ຊີວິດຈະຊ່ວຍຫຼຸດພາວະອ່ອນເພຍໄດ້ ຫຼື ພະຍາຍາມເຮັດກິດຈະກຳຕ່າງໆ ເພື່ອສ້າງຄວາມສຸກໃຫ້ກັບຕົນເອງ ແຖມຍັງເປັນການເສີມສ້າງສຸຂະພາບທີ່ເຂັ້ມແຂງໄປໃນຕົວນຳ.