ວັນທີ 25 ກຸມພາ 2022 ນີ້ ໜ່ວຍສະຫະພັນແມ່ຍິງຜະລິດ ວິທະຍາຄານກົມມະດຳ ໄດ້ສະຫຼຸບຖອດຖອນບົດຮຽນວຽກງານຮອບດ້ານ ໄລຍະ 3 ປີ ຜ່ານມາ ແລະ ຜ່ານທິດທາງແຜນການ ປີ 2024 ຂອງກອງປະຊຸມໃຫຍ່ ຄັ້ງທີ VII ໂດຍການເປັນປະທານຂອງສະຫາຍ ຮ້ອຍເອກ ນາງ ແສງພອນ ວົງສຸກ ຮອງຫົວໜ້າພະແນກ ສະຫະພັນແມ່ຍິງ ວິທະຍາຄານກົມມະດຳ ເປັນກຽດເຂົ້າຮ່ວມໂດຍສະຫາຍ ພັນໂທ ຄຳອຸດ ໄຊຍະວົງ ຫົວໜ້າພະແນກຜະລິດ ມີບັນດາໜ່ວຍອ້ອມຂ້າງ ແລະ ເອື້ອຍນ້ອງແມ່ຍິງ ເຂົ້າຮ່ວມ.
![](https://v2.vientianemai.net/wp-content/uploads/2022/02/1b210186-20a0-4d66-98d2-0264b224c72c-1024x682.jpg)
ສະຫາຍ ພັນຕີ ນາງ ສຸດ ສະເຫຼີມສຸກ ຮອງເລຂາໜ່ວຍ ສະຫະພັນແມ່ຍິງ ໄດ້ຂຶ້ນຜ່ານບົດສະຫລຸບຕີລາຄາຄືນ ຜ່ານການຈັດຕັ້ງນຳພາວຽກງານໃນໄລຍະ 3 ປີຜ່ານມາ ແລະ ຜ່ານທິດທາງແຜນການໃນຊຸມປີຕໍ່ໜ້າ ຍົກໃຫ້ເຫັນການຊີ້ນຳ-ນຳພາ ຂອງຄະນະໜ່ວຍດັ່ງກ່າວ ເປັນຕົ້ນ ຄະນະພັກ-ຄະນະບັນຊາແຕ່ລະຂັ້ນ ໄດ້ເອົາໃຈໃສ່ສຶກສາອົບຮົມວຽກງານການເມືອງ-ນຳພາແນວຄິດ ໃຫ້ເອື້ອຍນ້ອງແມ່ຍິງພາຍໃນ ໃຫ້ມີຄວາມອຸ່ນອ່ຽນທຸ່ນທ່ຽງຕໍ່ໜ້າທີ່ວຽກງານວິຊາສະເພາະຂອງຕົນ ສາມາດຄັດເລືອກໄດ້ແມ່ຍິງ 3 ດີ ຈຳນວນ 19 ສະຫາຍ,ຮັບໃບຊົມເຊີຍ 3 ສະຫາຍ ຄອບຄົວຜາສຸກ 14 ຄອບຄົວ ດ້ານວຽກງານບໍລິຫານກົມກອງ ອອກແຮງງານລວມນຳສະຫະພັນຍິງ 75 ຄັ້ງ ອອກແຮງງານຮ່ວມຫ້ອງ 29 ຄັ້ງ ວຽກງານສ້າງເສດຖະກິດ ໄດ້ເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ຈາກການປູກຝັງ-ລ້ຽງສັດ ເຊິ່ງສະແດງອອກຄື: ປູກກ້ວຍ 130 ຂຸມ ປູກຫົວສີໄຄ 650 ຂຸມ ປູກຂ່າ 50 ຂຸມ ລ້ຽງໝູ 3 ໂຕ,ມີໜອງປາ 2 ໜອງປ່ອຍປາແລ້ວ12.000.000 ໂຕ ສາມາດສ້າງລາຍຮັບໄດ້ຈາກການບໍລິການອື່ນໆ.ເປັນເງິນ 16.388.000 ກີບ (ສິບຫົກລ້ານສາມແສນແປດສິບແປດພັນກີບ) ຈາກນັ້ນ ກອງປະຊຸມ ຍັງໄດ້ປ່ອນບັດຄັດເລືອກເອົາຄະນະໜ່ວຍແມ່ຍິງຊຸດ ໃໝ່ໄດ້ຕາມລະດັບໝາຍ.
# ຂ່າວ-ພາບ : ຂັນທະລີ ທຳມະວົງ.