ສູນອາຫານ SONA FOOD HOUSE ເປີດໃຫ້ບໍລິການເປັນທາງການວັນທີ 19 ກຸມພາ 2022 ຢູ່ບ້ານດອນນົກຂຸ້ມ ເມືອງສີສັດຕະນາກ ນະຄອນຫຼວງວຽງຈັນ ເພື່ອເປັນທາງເລືອກໃໝ່ໃຫ້ບັນດາລູກຄ້າ ຕອບສະໜອງຄວາມຕ້ອງການໃນການຮັບປະທານອາຫານ ແລະ ເຄື່ອງດື່ມທີ່ເປັນເອກະລັກສະເພາະ ພ້ອມທັງສາມາດຕອບສະໜອງ Life Style ຂອງຄົນຍຸກໃໝ່ ນອກນີ້ ຍັງເປັນບ່ອນພົບປະ ແລກປ່ຽນວຽກງານ ແລະ ອື່ນໆ ຢ່າງສະສະບາຍ.
![](https://v2.vientianemai.net/wp-content/uploads/2022/02/273056248_1000677867468367_7338380453011222800_n-1024x683.jpg)
ທ່ານ ແສງລາຕີ ສະຫວັນຄໍາ ປະທານກຸ່ມບໍລິສັດ ສະຫວັນຄໍາ ເຈົ້າຂອງກິດຈະການຮ້ານອາຫານ SONA FOOD HOUSE ກ່າວວ່າ: ກຸ່ມບໍລິສັດ ສະຫວັນຄໍາ ເຮັດທຸລະກິດຫຼາຍຢ່າງ ເປັນຕົ້ນເຂື່ອນໄຟຟ້າ ສະຖານີໄຟຟ້າ ໂຮງງານຜະລິດນໍ້າປະປາ ໂຮງງານຄອນກຣີດ ໂຮງງານນໍ້າດື່ມ SONA ແລະ ອື່ນໆ ພວກເຮົາໄດ້ເພີ່ມກິດຈະການຂຶ້ນຕື່ມອິກປະເພດໜຶ່ງ ໂດຍຕັດສິນໃຈສໍາປະທານສະຖານທີ່ໂຮງໝໍ ກະເສມຣາດ ອິນເຕີເນຊັນແນລ ວຽງຈັນ ເພື່ອສ້າງເປັນສູນອາຫານ ແລະ ເຄື່ອງດື່ມຄົບວົງຈອນ ເຊິ່ງໄດ້ໂຮມຮ້ານອາຫານ ເຊັ່ນ: ຮ້ານເຄື່ອງດື່ມກາເຟ ZAZA Coffee ຮ້ານຣົດດີເດັດ ຮ້ານຮ່ອງເຕ້ ຮ້ານແຊບອີ່ຫຼີ MOMIZU HOUSE ຮ້ານ Attitude MOM ແລະ ອື່ນໆ ມາຮວມກັນຢູ່ບ່ອນດຽວແລ້ວ ຍັງຕອບສະໜອງ Life Style ຂອງຄົນຍຸກໃໝ່ ທັງເປັນບ່ອນພົບປະ ແລກປ່ຽນວຽກງານ ແລະ ອື່ນໆອີກ ເຊິ່ງຕົນເຊື່ອວ່າສູນອາຫານແຫ່ງນີ້ຈະນໍາເອົາສິ່ງດີໆມາໄວ້ບໍລິການທຸກຄົນດ້ວຍຄວາມປະທັບໃຈ.
![](https://v2.vientianemai.net/wp-content/uploads/2022/02/273249864_973970843226157_5916282494462771301_n-1024x683.jpg)
..# ຂ່າວ & ພາບ : ສະບາໄພ