ທ່ານ ດຣ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ລາຍງານໃຫ້ຊາບກ່ຽວກັບສະພາບການລະບາດຂອງພະຍາດໂຄວິດ-19 ຢູ່ ສປປ ລາວ ປະຈໍາວັນທີ 21 ກຸມພາ 2022 ເຊິ່ງວັນທີ 20 ກຸມພາ 2022 ໄດ້ກວດວິເຄາະທັງໝົດ 1.925 ຕົວຢ່າງ ໃນຂອບເຂດທົ່ວປະເທດ ແລະ ພົບເຊື້ອທັງໝົດ 218 ຄົນ (ຕິດເຊື້ອພາຍໃນ 204 ຄົນ ແລະ ນໍາເຂົ້າ 14 ຄົນ) ເຊິ່ງຂໍ້ມູນໂດຍຫຍໍ້ກ່ຽວກັບການຕິດເຊືື້ອພາຍໃນໃໝ່ທັງໝົດ 204 ຄົນ ຈາກ 16 ແຂວງ ແລະ ນະຄອນຫຼວງວຽງຈັນ ມີ:
- ໄຊຍະບູລີ 78 ຄົນ
- ຊຽງຂວາງ 29 ຄົນ
- ນະຄອນຫຼວງ 24 ຄົນ
- ອັດຕະປື 21 ຄົນ
- ບໍລິຄຳໄຊ 12 ຄົນ
- ສະຫວັນນະເຂດ ແລະ ຫົວພັນ ແຂວງລະ 10 ຄົນ
- ສາລະວັນ 6 ຄົນ
- ຄຳມ່ວນ 5 ຄົນ ຈຳປາສັກ
- ເຊກອງ ແຂວງລະ 4 ຄົນ
- ວຽງຈັນ 3 ຄົນ
- ໄຊສົມບູນ 2 ຄົນ
- ຫຼວງພະບາງ ຫຼວງນໍ້າທ່າ ອຸດົມໄຊ ຜົ້ງສາລີ ແຂວງລະ 1 ຄົນ.
ສໍາລັບການຕິດເຊື້ອນໍາເຂົ້າ ມີ 14 ຄົນ ຈາກ ຈຳປາສັກ 4 ຄົນ ນະຄອນຫຼວງ ສະຫວັນນະເຂດ ແຂວງລະ 3 ຄົນ ບໍລິຄຳໄຊ 2 ຄົນ ອັດຕະປຶ 1 ຄົນ ແລະ ຄຳມ່ວນ 1 ຄົນ ເຊິ່ງທັງໝົດໄດ້ເຂົ້າຈຳກັດບໍລິເວນຕາມສະຖານທີ່ກຳນົດໄວ້ກ່ອນຈະກວດພົບເຊື້ອ ປັດຈຸບັນ ຢູ່ ສປປ ລາວ ມີຜູ້ຕິດເຊື້ອທັງໝົດ 141.301 ຄົນ ອອກໂຮງໝໍ 38 ຄົນ ກຳລັງປິ່ນປົວ 2,873 ຄົນ ແລະ ເສຍຊີວິດທັງໝົດ 612 ຄົນ (ເສຍຊິວິດໃໝ່ 2 ຄົນ) ສຳລັບຜູ້ເສຍຊີວິດໃໝ່ 2 ຄົນ ແມ່ນຈາກ ນະຄອນຫຼວງ 1 ຄົນ ແລະ ຊຽງຂວາງ 1 ຄົນ.
ໃນໂອກາດດັ່ງກ່າວທ່ານ ດຣ. ບຸນຊູ ແກ້ວຫາວົງ ຫົວໜ້າກົມອາຫານ ແລະ ຢາ ກະຊວງສາທາລະ ນະສຸກ ລາຍງານໃຫ້ບັນດາທ່ານຮັບຊາບ ກ່ຽວກັບ ຢາປິ່ນປົວພະຍາດໂຄວິດ ແລະ ການນຳໃຊ້ຊຸດເຄື່ອງກວດແບບໄວຕື່ມອີກ.
..# ຂ່າວ & ພາບ : ວຽງມາ