ທ່ານ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ຖະແຫຼງຂ່າວກ່ຽວກັບສະພາບການລະບາດພະຍາດໂຄວິດ-19 ປະຈໍາວັນທີ 16 ກຸມພາ 2022 ວ່າ: ວັນທີ 15 ກຸມພາ ໃນຂອບເຂດທົ່ວປະເທດໄດ້ເກັບຕົວຢ່າງກວດວິເຄາະຫາເຊື້ອພະຍາດໂຄວິດ-19 ທັງໝົດ 2.753 ຕົວຢ່າງ ຜົນກວດວິເຄາະພົບຜູ້ຕິດເຊື້ອທັງໝົດ 345 ຄົນ ໃນນີ້ຕິດເຊື້ອພາຍໃນ 332 ຄົນຄື:
- ນະຄອນຫຼວງວຽງຈັນ 51 ຄົນ
- ສະຫວັນນະເຂດ 23 ຄົນ
- ຈຳປາສັກ 11 ຄົນ
- ສາລະວັນ 8 ຄົນ
- ເຊກອງ ແລະ ຫຼວງນໍ້າທາ ແຂວງລະ 1 ຄົນ
- ອັດຕະປື 24 ຄົນ
- ບໍ່ແກ້ວ 2 ຄົນ
- ວຽງຈັນ 8 ຄົນ
- ຫຼວງພະບາງ 3 ຄົນ
- ອຸດົມໄຊ 6 ຄົນ
- ຜົ້ງສາລີ 12 ຄົນ
- ໄຊຍະບູລີ 30 ຄົນ
- ຊຽງຂວາງ 31 ຄົນ
- ຄຳມ່ວນ 20 ຄົນ
- ບໍລິຄຳໄຊ 10 ຄົນ
- ໄຊສົມບູນ 7 ຄົນ
- ຫົວພັນ 84 ຄົນ
ສໍາລັບການຕິດເຊື້ອນໍາເຂົ້າ 13 ຄົນ ເຊິ່ງມາຈາກແຂວງສະຫວັນນະເຂດ 9 ຄົນ ຈຳປາສັກ 2 ຄົນ ບໍລິຄຳໄຊ 2 ຄົນ ໄດ້ເຂົ້າຈຳກັດບໍລິເວນຕາມສະຖານທີ່ກຳນົດໄວ້ກ່ອນຈະກວດພົບເຊື້ອ ຮອດປັດຈຸບັນມີຕົວເລກຜູ້ຕິດເຊື້ອທັງໝົດ 140.030 ຄົນ ອອກໂຮງໝໍ 227 ຄົນກຳລັງປິ່ນປົວ 3.404 ຄົນ ແລະ ເສຍຊີວິດທັງໝົດ 602 ຄົນ ໃນນີ້ເສຍຊິວິດໃໝ່ 02 ຄົນ ທັງໝົດຢູ່ນະຄອນຫຼວງວຽງຈັນ.
ສໍາລັບການສັກວັກຊິນປ້ອງກັນພະຍາດໂຄວິດ-19 ທົ່ວປະເທດ ເຂັມທີ 1 ສັກໄດ້ 4.827.386 (ອັດຕາປົກຄຸມ 65,79 %) ແລະ ທຸກເຂັມທີ່ແນະນໍາ 4.249.958 (ອັດຕາປົກຄຸມ 57,92%).